Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

265

157

se dekha. antar dr̥uṣhṭi-se dekhanā to kis prakār-se dekhanekā prayatna karanā?

samādhānaḥ- amuk jātakī yukti, dalīl-se nakkī kar sake. bākī to kar nahīn sakatā. bākī unake parichay-se, unakī bāt-se aise nakkī kare. yukti, dalīl, nyāy- se, siddhānta-se nakkī kare. bākī use us jātakā khyāl nahīn hai isaliye use nakkī karanā mushkil paḍatā hai.

parantu vichār kare to use khyāl āye ki bhedagnānakī pariṇati ho sakatī hai. bhedagnānamen pratikṣhaṇ apanā astitva grahaṇ kare to bhedagnānakī pariṇati pragaṭ ho sake aisā hai. yadi na ho to vah bhinna hī nahīn paḍ sakatā. vah bhinna paḍatā hai, svānubhūti hotī hai. jo siddha hote hain, ve bhedavignān-se hī hote haĩn. ataḥ bhedavignān antaramen ho sakatā hai. usakī bhāvanā aisī hotī hai ki dūsareko shaṅkā paḍe ki ye sab bhāvanā aisī dikhe ki mānon kartābuddhi jaisī dikhatī hai.

mumukṣhuḥ- isīliye āj vichār āyā ki āpako hī pūchh lū̃n.

samādhānaḥ- hān̐, dikhe vaisā. pūjāmen aisā dikhe, dev-guru-shāstrake prasaṅgamen aisā dikhe to bhī pratikṣhaṇ vah kṣhaṇ-kṣhaṇamen nyārā hī hotā hai. jaise makkhan bhinna paḍ jātā hai, phir-se vah pahalekī bhān̐ti ekamek nahīn ho jātā. chhāchhake sāth rahe to bhī vah makkhan bhinna hī tairatā hai.

mumukṣhuḥ- ek bār bhinna paḍaneke bād ekamek nahīn hotā.

samādhānaḥ- ekamek nahīn hotā. .. gnān jo hai, us gnānako-gnāyakako bhinna kiyā. anādi-se gnān taraph dekhatā nahīn hai aur vibhāv taraph dekhatā rahatā hai. gnān- gnāyak taraph dr̥uṣhṭi aur pariṇati hai. isaliye vah usī taraph dekhatā hai. vibhāv taraph usakā alpa ho gayā hai. usakī pariṇati gnāyak taraph, pūrā chakra gnāyak taraph ho gayā hai. alpa vibhāv taraph thoḍā rahā hai.

mumukṣhuḥ- agnānīko sthūl gnān hai isaliye use rāg hī dikhatā hai, gnān dikhāī nahīn detā.

samādhānaḥ- rāg dikhatā hai, gnān nahīn dikhāī detā.

mumukṣhuḥ- hamen duḥkh ho aisī bāt hai. parantu gurudevakā itanā sunā hai ki usīse samādhān karate haĩn. phir bhī āpake shabda sunane haĩn.

samādhānaḥ- achānak ho jāy aur chhoṭī umra ho isaliye aisā lage. gurudevane kahā hai, shānti rakhane alāvā upāy nahīn hai. sansārakā svarūp (aisā hī hai). jahān̐ koī upāy nahīn hai, vahān̐ shānti rakhanī hī shreyarūp hai.

ananta janma-maraṇ, janma-maraṇ karate-karate bhavakā abhāv ho aisā mārga gurudevane

< Previous Page Next Page >