Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

158 batāyā. kitanoṅke sāth sambandha karake svayam āyā, svayaṅko chhoḍakar kitane hī chale gaye aur svayam kisīko chhoḍakar āyā hai. aise janma-maraṇ (kiye hain). kabhī lambā āyuṣhya, kabhī chhoṭā āyuṣhya, aise anek jātake janma jīvane dhāraṇ kiye haĩn. usamen yah manuṣhyabhav milā. is manuṣhyabhavake andar ek ātmākī pahichān ho vah navīn hai. bākī janma-maraṇ, janma-maraṇ jagatamen chalate rahate haĩn.

rāg ho utanā duḥkh ho, to bhī badalakar andaramen samādhān karanā vahī shreyarūp hai. usakā dūsarā koī upāy nahīn hai. sansār aisā hai, sansārakā svarūp aisā hai. jīvane itane janma-maraṇ kiye hain ki jitane jagatake paramāṇu hai, use svayanne grahaṇ karake chhoḍe haĩn. itane jagatake paramāṇuko (grahā hai).

pratyek ākāsh pradeshamen ek-ek ākāsh pradesh par ananta bār janma-maraṇ kiye. jitane vibhāvake adhyavasāy hain, sab ho gaye. utsarpiṇī, avasarpiṇī kālake jitane samay hain, utanī bār svayam ananta bār janma-maraṇ kar chūkā. ananta bār nigodamen gayā, ananta bār devalokake devake bhav kiye. narkamen ananta bhav kiye, tiryaṅke ananta bhav, manuṣhyake ananta bhav kiye. itane bhav jīvane kiye haĩn. usamen kitanoṅke sāth sambandha joḍā hai aur chhoḍā hai. jīvako aise ananta janma-maraṇ hue haĩn.

usamen is pañcham kālamen yah manuṣhyabhav milā, usamen gurudevakī vāṇī milī aur gurudevane jo yah mārga batāyā, us mārgako grahaṇ karanā vahī upāy hai. vahī shānti aur sukhakā upāy hai. is jīvanamen kuchh apūrvatā pragaṭ ho aur bhavakā abhāv ho, aise sanskār ḍale to vah shreyarūp hai. bākī jīvane anek janma-maraṇ kiye haĩn. naṭubhāīko bahut ruchi thī. antaramen vah ruchi lekar gaye haĩn. āp sabako ruchi hai. gurudevane kahā hai vahī grahaṇ karanā hai.

jagatamen kuchh apūrva nahīn hai, koī padavī apūrva nahīn hai. ek samyagdarshanakī padavī (prāpta nahīn kī). jinavarasvāmī jīvako mile hain, parantu usane pahachānā nahīn hai. isaliye mile hain vah nahīn milane barābar hai. ek samyagdarshan prāpta nahīn huā hai. ek vah apūrva hai. isaliye use prāpta karaneke liye jīvako bhedagnān kaise ho, ātmākī pahichān kaise ho (usakā prayatna karanā chāhiye).

is jagatamen shāshvat ātmā hai. yah sharīr bhinna aur ātmā bhinna, donon bhinna- bhinna vastu hai. ātmā to shāshvat hai. ek deh chhoḍakar dūsarā deh dhāraṇ karatā hai. ātmākā to kahīn maraṇ hotā nahī̃n. janma-maraṇ ātmāke nahīn hai. naṭubhāīkā ātmā to shāshvat hai. ātmākā maraṇ nahīn hotā, ātmā to shāshvat hai. ātmā bhinna shāshvat hai, use grahaṇ kar lenā. vahī sachchā hai.

< Previous Page Next Page >