Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

265

159

jīvanamen bhedagnān kaise ho? ki yah sharīr bhinna, ātmā bhinna, ye vibhāv apanā svabhāv nahīn hai. usase bhinna ātmāko pahichān lenā. ek gnāyak ātmāko pahichānanā vahī shreyarūp hai. usīmen ānanda hai, usīmen sukh hai. ātmā shāshvat hai. use grahaṇ karane- se vah shāshvat svayam hī hai. ātmākā sambandha hī sachchā sambandha hai. jagatake anedar dūsare sambandhamen pheraphār hote rahate haĩn.

baḍe munishvar aur rājeshvaroṅke āyuṣhya pūrṇa hotā hai. chakravartī rājā bhī antamen munipad dhāraṇ karake is mārgako grahaṇ karate haĩn. unakī padavīmen r̥uddhikā pār nahīn thā, phir bhī chhoḍakar chale jāte haĩn. sansārakā svarūp aisā hai. isaliye ek ātmāko grahaṇ karanā vahī shreyarūp hai. aur gurudevane koī apūrva mārga batāyā hai. koī kriyāmen paḍe the, koī kahān̐ paḍe the. usamen-se ātmākā sukh kaise prāpta ho aur ātmā kaise pragaṭ ho, vah gurudevane batāyā hai.

shāstramen ātā hai, main ek, shuddha, sadā arūpī, gnānadr̥ug hūn̐ yathārthase, kuchh anya vo merā tanik paramāṇu mātra nahīn are! 38. koī paramāṇumātra apanā nahīn hai. svayam shuddha svarūp arūpī ātmā hai. sharīr apanā nahīn hai. ek shuddha sadā gnān-darshanase bharā huā ātmā hai, koī paramāṇu mātra apanā nahīn hai. kisīke sāth koī sambandha nahīn hai. jitanā rāg ho, vah svayaṅko yād ātā hai. rāg āye to use badalakar shānti rakhaneke alāvā koī upāy nahīn hai. aisā prasaṅg bane isaliye ekadam sadamā lage to bhī shānti rakhaneke alāvā koī upāy nahīn hai.

mumukṣhuḥ- itanī sārī r̥uddhi aur aisā milatā ho to bhī unhen aisā kaun- sā bandhan ā gayā ki unhen rāstemen aisā ho gayā. na dharmakā kuchh sun sake, nā aur kuchh kar sake.

samādhānaḥ- aisā hai ki āyuṣhya kaise pūrṇa ho vah to pūrvakā hotā hai. vartamān jo ruchi ho vah to is bhavamen pragaṭ kī. aur āyuṣhyakā bandha huā vah to pūrvakā hai. isaliye pūrvakā āyuṣhya bandhakā uday aisā hī thā ki isī tarah-se āyuṣhya pūrṇa ho. ataḥ usamen to kuchh (ho nahīn sakatā). āyuṣhyakā bandha kaisā paḍā ho, usamen jīv pheraphār nahīn kar sakatā. apane bhāvako badal sakatā hai. bhāvamen andar rāg- dveṣhakī ekatvabuddhi toḍ sakatā hai. bākī bāharake sanyog badal nahīn sakatā. bāharakā, sharīrakā, rogakā yā āyuṣhya kaise pūrṇa ho, koī jīv usako nahīn badal sakatā. pūrvakā jo uday ho vah uday āte hī rahate haĩn. bāharakā koī kārya badal nahīn sakatā, vah to uday anusār hotā hai.

< Previous Page Next Page >