166 hai. aisā anukūl uday na ho to vaisā nahīn bhī banatā. aisā banatā hai.
mumukṣhuḥ- donon prakār bhajate haĩn.
samādhānaḥ- aisā banatā hai. lekin use nirṇay barābar hotā hai ki svatantra dravya hai. phir use ākulatā nahīn hotī, samādhān ho jātā hai ki jaisā bananā hotā hai vaise hī banatā hai. usakī rāgakī maryādā (hai), maryādā bāhar nahīn jātā. usakī bhāvanā anusār amuk rāg usakī maryādāmen (hotā hai). jo mumukṣhukī maryādāmen rāg ho us anusār use bhāvanā ātī hai.
pratyek dravya svatantra haĩn. main gnāyak bhinna, paradravya bhinna, koī kisīko kar nahīn sakatā. ek dravya dūsare dravyakā, koī chaitanya chaitanyakā kar nahīn sakatā. pratyek dravya svatantra haĩn. sabake pariṇām svatantra, sabakī pariṇati svatantra, sab svatantra haĩn. nimitta-naimittik sambandhake kāraṇ bane, isaliye ichchhā anusār huā aisā dikhatā hai. bākī koī kisīkā kar nahīn sakatā. aisā dikhatā hai isaliye vichār-vichār chalate rahate haĩn.
bākī jise sahaj pratīti hotī hai vah samajhatā hai ki jo bananā hai vahī banatā hai. svayaṅko jo rāg ātā hai, ichchhā hotī hai, vah mātra rāg hokar chhūṭ jātā hai. bākī usakī vichāraṇā use lambī nahīn chalatī. jaise bananā hotā hai vaise hī banatā hai. apane gnāyakako bhinna jānatā hai. gnāyakakī pratīt aur gnāyakakā pariṇaman bhinna hai aur ye paradravyakā pariṇaman bhinna hai. vikalpātmak pratīti hai isaliye use vichāraṇā chalatī hai ki ichchhā anusār banatā hai. ichchhānusār banatā nahīn hai. vah svatantra pariṇaman hai.
mumukṣhuḥ- kabhī-kabhī ulajhan ho jātī hai. pakkā nirṇay hai isaliye koī bār andar ulajhan ho jātī hai, ek prakārakī ākulatā ho jātī hai. bāharamen galat ho rahā hai aisā lage, phalānā hotā ho to aisā lage ki aisā kyon? phir shaṅkā paḍe. tattva apaneko baiṭhā nahīn hai isaliye aisā hotā hai.
samādhānaḥ- usane vikalpa-se nakkī kiyā hai na, isaliye aise vichār āte haĩn. bākī vastu svarūp-se jo bananā hotā hai aisā hī banatā hai. jise sahaj gnāyakakī pratīti (huyī hai), sahaj bhedagnānakī dhārā hai, use aise vichār nahīn āte haĩn. jo hai use jānatā hai. rāg āye use bhī jānatā hai. use rāg ātā hai, dev-guru-shāstrakī mahimā ādi sab use ātā hai, parantu jo bhī hotā hai use jānatā hai, use lambe vichār nahīn chalate. sahaj gnāyakakī dhārā, bhedagnānakī dhārā vartatī rahatī hai.
mumukṣhuḥ- anubhav hone pūrva āpane kis prakārakā abhyās kiyā ki jisase vikalpātmak gnānamen aisā nirṇay ekadam majabūt ho gayā? kyoṅki ham hamārī pariṇati dekhate hain to hamen to aisā hī lagatā hai ki ye pariṇati ḍolamaḍol hotī hai. shāstra