Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

266

165

honevālā nahīn hai. aisī dr̥uḍhatā nahīn rahatī hai. aisā lage ki dr̥uḍhatā nahīn rahatī hai. to phir jo apane gnāyakakā abhyās karate hain, itanā to vikalpātmak gnānamen nirṇay honā chāhiye ki rāg ātā hai, phir bhī pariṇaman to jo honevālā hai vahī hogā.

samādhānaḥ- use aisā nirṇay rahanā chāhiye, jo honevālā hai vahī hogā. parantu rāgake kāraṇ isakā aisā ho to ṭhīk, aisā ho to ṭhīk, aisī use bhāvanā rahe. phir usake rāg anusār na ho to usakā use āgrah nahīn rahatā hai. phir use samādhān ho jāy ki jaise honā hogā vaisā hogā. rāgake kāraṇ aisā ho to ṭhīk, aisā karun̐ to ṭhīk, aisā ho, aise sab vikalpa āye. to bhī yadi usakī ichchhā anusār bane to vah samajhe ki aisā bananevālā thā aur na bane to bhī vahī bananevālā thā. isaliye use samādhān ho jātā hai ki rāgake kāraṇ kuchh hotā nahīn hai. parantu rāg āye binā nahīn rahatā. vah rāgako samajhatā hai ki ye rāg hai. bākī pratyek dravya to svatantra hai. jo bananevālā hotā hai vahī banatā hai. rāgake kāraṇ, use sab vichāraṇā rāgake kāraṇ chalatī hai. use jo dev-guru-shāstrake prati jo rāg hai, us rāgake kāraṇ hai.

mumukṣhuḥ- sanyogādhīn dr̥uṣhṭi hai isaliye sanyogase dekhate hain ki aisā kiyā to aisā huā. aisā nahīn hotā hai to aisā nahīn huā. vikalpātmakamen bhī aisā ... ho jātā hai.

samādhānaḥ- use nimitta-naimittik sambandha hotā hai. rāgakā aur bāhya kāyākā nimitta-naimittik sambandhakā mel baiṭh jāy to aisā hotā hai ki mainne aise bhāv kiye, aisā kiyā isalaye aisā huā. parantu nimitta-naimittik sambandhake kāraṇ aisā mel ho jātā hai. parantu vah mail aise nishchayarūp nahīn hotā hai. kyoṅki pratyek dravya svatantra haĩn. koī bār pheraphār hotā hai. parantu usake nimitta-naimittik sambandhake kāraṇ aisā hotā hai ki, mainne aisā kiyā to aisā huā, aisā na karun̐ to aisā hotā. usakā nimitta-naimittik sambandhake kāraṇ aisā ho isaliye use aisā lagatā hai ki aisā karun̐ to aisā hogā, aisā karun̐ to aisā hogā. usakā sambandha aisā hai.

bākī jise pratīt hai use barābar khyālamen hai ki main gnāyak bhinna hū̃n. pratyek dravya svatantra svataḥ pariṇaman karate haĩn. main usakā pariṇaman karavā nahīn sakatā. svatantra dravya hai. to bhī aise nimitta-naimittik sambandhake kāraṇ aisā mel dikhatā hai. parantu vah svayam kar nahīn sakatā.

jise yathārtha pratīti ho vah barābar samajhatā hai ki usake melake kāraṇ aisā hotā hai, rāgake kāraṇ nahīn hotā hai. usakā nimitta-naimittik sambandhake melake kāraṇ aisā dikhe ki aisā ho rahā hai. aisā anukūl uday ho to vaisā hī hotā hai. aisā sambandha

< Previous Page Next Page >