164 vaisā karo. phir bhī use aisī ekatvabuddhi nahīn hotī ki aisā karane-se aisā hī hogā. aisī use ekatvabuddhi nahīn hai. usase bhinna pariṇaman (vartatā hai). vah samajhatā hai ki jaisā honā hogā vaisā hī hogā. aisā sahaj vartatā hai. phir bhī vah kahe aisā ki, aisā karo. vikalpa bhī aisā āye ki yah karane jaisā hai. aisā vikalpa āye. parantu vah jaisā bananā hotā hai, vaisā hī banatā hai. use sahaj vartatā hai.
mumukṣhuḥ- koī bhī paradravyakī jo kriyā ho rahī hai, vah to usase hī ho rahī hai. rāgakā koī kārya nahīn hai, aisā spaṣhṭapane usake khyālamen rahatā hai.
samādhānaḥ- spaṣhṭapane khyāl rahatā hai. rāgakā mātra nimitta banatā hai. usakā mel ho jāy to ho jāya. mel na khāy to vah svatantra hai. jo bananevālā hotā hai vahī banatā hai. aisī ekatvabuddhi use hotī hī nahīn ki aisā rāg huā to aisā honā hī chāhiye. use barābar khyāl hai ki jo bananevālā hai vaise hī banatā hai. dhāraṇā anusār kuchh hotā hī nahī̃n. pratyek dravya svatantra pariṇamatā hai.
bāharake sab anek jātake prasaṅg, vah koī kārya rāgake adhīn ho aisā nahīn hai. sharīrakā pariṇaman bhī apane adhīn nahīn hai. koī rāgake adhīn nahīn hai. isakā aisā, isakā aisā karo, vah bhī hāthakī bāt nahīn hai. vah bhī koī davāīse miṭe yā usase miṭe vah koī hāthakī bāt nahīn hai. svatantra niḥshaṅkapane use pratīt vartatī hī rahatī hai. use yād nahīn karanā paḍatā. use ekatvabuddhi aisī tanmayatā nahīn hotī ki aisā karane-se aisā hogā hī. aisī ekatvabuddhi hī nahīn hotī, usase nyārā hī rahatā hai.
samādhānaḥ- .. do dravyakī svatantratākī pratīti sāthamen ho to hī main gnāyak hūn̐, aisī use dr̥uṣhṭi (rahe), to hī usakā abhyās ho sakatā hai. do dravyakī svatantratā jo svīkār nahīn karatā, use gnāyak hūn̐, aisā kab āye? ki main parase bhinna hū̃n. ye parapadārtha hai usase main bhinna main ek chaitanyadravya svatantra gnāyak hū̃n. vibhāv svabhāv bhī merā nahīn hai aur main ek gnāyak hūn̐, aisā svayaṅko bhinna kab bhāsit ho? ki paradravya-se bhinna svayaṅko pratīti ho aur main svatantra dravya hūn̐ aur ye paradravya svatantra hai, donoṅkī svatantratā lage to hī gnāyak dravyakī pratīti ho. in donoṅkā sambandha hai. bhedagnān jise ho, main gnāyak hūn̐, aise bārambār apane nij astitvako grahaṇ kare, use do dravyakī svatantratākā nirṇay hue binā rahatā hī nahī̃n. use sambandha hai.
mumukṣhuḥ- us sambandhit anek prakārake vikalpa āte haĩn. main merī bāt āpako karatā hū̃n. sansthākā ... mujhe aisā hotā hai ki do dravyakī svatantratā hai. jo honevālā hai vah hogā. athavā pratyek dravya svatantrarūp-se pariṇamate haĩn. rāgake kāraṇ koī pheraphār