269
samādhānaḥ- mainne itanā kiyā to bhī kuchh hotā nahīn hai. itane vichār kiye, itanā svādhyāy kiyā, itanā vāñchan kiyā, itanī bhakti kī. use ātmā mukhya rahatā hai. use ginatī nahīn hotī, mujhe ātmā hī sarvasva hai. bāhar-se jo bhī ho, usake bajāy antaramen mujhe bhedagnānakī dhārā pragaṭ ho, main gnāyakako grahaṇ karun̐, gnāyakamen līnatā ho, us par usakī dr̥uṣhṭi hotī hai.
mumukṣhuḥ- vachanāmr̥utamen ātā hai ki shuddha dravya svabhāvakī dr̥uṣhṭi karake tathā ashuddhatāko khyālamen rakhakar puruṣhārtha karanā. vahān̐ khyāl māne upayogātmak gnānaguṇakī paryāy lenī yā labdhātmak gnān lenā?
samādhānaḥ- ātmā shuddha hai. bāhar upayog hai vah use labdhātmak, khyālamen rahatā hai. gnānamen labdhātmak khyāl nahīn use upayogātmak khyāl rahatā hai. labdhātmak khyāl to hai, parantu upayogamen use khyāl rahatā hai ki yah ashuddha hai, yah shuddha hai. upayogamen bhī rahatā hai aur labdhamen bhī rahatā hai.
mumukṣhuḥ- itanī ashuddhatā hai, yah hai, vah hai.
samādhānaḥ- hān̐, itanī ashuddhatā hai, itanī shuddhatā hai. labdhamen rahatā hai ki itanā gnāyak hai, yah vibhāv hai. parantu upayogamen bhī use khyālamen rahatā hai ki itanī ashuddhatā hai, yah shuddhātmā hai, aisā upayogamen rahatā hai. jabatak usakā upayog bāhar hai, tabatak sab khyālamen rahatā hai. yah ashuddhatā hai, yah shuddha hai aisā.
mumukṣhuḥ- nirvikalpatāke samay nahīn hotā.
samādhānaḥ- nirvikalpatāke samay nahīn hotā. vah to ek svarūpamen jam jātā hai. ānanda dashāmen bāharakā kuchh dhyān nahīn hai. ek ānanda, ananta guṇ-se bharā ātmā ānandasvarūp anupam hai. vahīn usakī līnatā hai, isaliye dūsarā kuchh khyāl nahīn hai. sab abuddhipūrvak ho jātā hai. use khyāl hī nahīn hai, apane svarūpakā hī vedan hai.
mumukṣhuḥ- gnāyakako pariṇāmamen pakaḍanā, aisā vachanāmr̥utake pravachanamen pūjya gurudevashrīne pharamāyā ki pariṇāmamen gnāyakapane ahampanā karanā. jaise shāstragnān dhāraṇāgnānamen ahampanā hai, usake badale gnāyakamen ahampanā karanā. aur bahut bār aisā bhī ātā hai ki gnāyakako ruchigat karanā. to paryāyamenn gnāyakakī mahimā ānī, in donommen kyā antar hai? ahampanā karanā, mahimā karanī, ruchi karanī usamen kyā antar hai?
samādhānaḥ- yah gnāyak hai vah main hū̃n. ahampanā arthāt yah gnāyak hai vah main hūn̐ aur yah main nahīn hū̃n. shāstrakā ahampanā, ye shāstra paḍhā vah nahīn, ye gnāyak vah main hū̃n. yah main hūn̐, usamen usakī ruchi bhī ā jātī hai aur usakī us jātakī pratīti bhī ā jātī hai. us jātakā gnāyakamen ahampanā, main gnāyak hū̃n. aise.