Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

186 hai. arūpī ātmāko pakaḍanā. upayog sūkṣhma kare to pakaḍamen ātā hai. ye vikalpa, jo vibhāvabhāv hai, usase bhī ātmā to sūkṣhma hai. gnānasvabhāv-gnāyakasvabhāv, us gnānamen pūrā gnāyak samāyā hai. us gnāyakako svayam sūkṣhma upayog kare to pakaḍamen ātā hai. sūkṣhmatāke binā pakaḍamen (nahīn ātā). sthūlatā-se aur rāgamishrit bhāvon-se pakaḍamen nahīn ātā. parantu usase bhinna hokar pakaḍe to pakaḍamen āye aisā hai.

mumukṣhuḥ- bhinna paḍakar māne kyā?

samādhānaḥ- bhinna paḍakar arthāt andar gnāyakako grahaṇ karake vikalpake bhāvon- se bhinna paḍe to vāstavik pakaḍamen ātā hai. pahale shurūātamen to use vikalpa sāthamen hotā hai. vikalpa-se bhinna paḍe to antaramen nirvikalpa dashā ho jāy, vah to vāstavik pakaḍamen ātā hai. shurūātamen, pratham bhūmikāmen to vikalpa sāthamen hotā hai. vāstavik pakaḍamen āye to vikalpa-se bhinna paḍatā hai. parantu pahale shurūātamen vikalpako gauṇ karake aur ātmāko adhik rakhakar yadi pakaḍe to pakaḍamen ātā hai. vikalpa-se bilakūl bhinna to nirvikalpa dashā ho to vah vikalpa-se bhinna paḍatā hai. vikalpako gauṇ karake aur anshataḥ ātmāko mukhya karake pakaḍe to pakaḍamen ātā hai.

bhedagnānakī dhārā ho to usamen vikalpa-se bhinna paḍe. bhinna paḍe arthāt vikalpa hai aisā use khyāl rahatā hai ki parantu pariṇatiko bhinna karatā hai. vah sab to vāstavik hai. shurūātakī bhūmikāmen vikalpa sāthamen hotā hai, parantu vikalpako gauṇ karake ātmāko mukhya rakhakar, yah main gnāyak hūn̐ aur yah vikalpa hai, is tarah pakaḍ sakatā hai.

mumukṣhuḥ- vachanāmr̥utamen ātā hai ki ātmāko mukhya rakhanā. parantu kāyākī ginatī karane jaisā nahīn hai. phir bhī pariṇāmommen kāryakī ginatī ho jātī ho to vahān̐ mukhya kāraṇ kyā banatā hogā? aur usase bachane hetu prayogātmak paddhati-se kyā karanā?

samādhānaḥ- kāyākī ginatī nahīn karanā, ātmāko mukhya rakhanā. kāyākī ginatī to use bāharamen us jātakā use rāg hai isaliye ginatī hotī hai. usake liye ek ātmā taraphakī hī lagan lagāye, dūsarekī mahimā ṭūṭ jāy ki dūsare kāyākī kyā mahimā hai? ātmā hī mujhe sarvasva hai aur ātmāmen hī sarvasva hai. to ātmāko mukhya rakhe, ātmākī mahimā āye to vah sab use gauṇ ho jātā hai. use kisī bhī prakārakī ginatī nahīn hotī. merā ātmā hī sarvasva hai. ātmākī hī mahimā, ātmākī lagan, ātmā or hī use sarvasvatā lage aur dūsarekā ras ṭūṭ jāya. dūsarekī mahimā ṭūṭ jātī hai.

mumukṣhuḥ- itanā paḍhatā hūn̐, itanī bhakti karatā hūn̐, main itane ghaṇṭe aisā karatā hū̃n. itanā-itanā main karatā hūn̐, aisā ginatī (hotī hai).

< Previous Page Next Page >