236 chaitanya hai, us chaitanyako grahaṇ karanā.
jo andar main, main ho rahā hai, vikalparūp nahīn, parantu vah jo gnānakā astitva hai, jo sabako jānanevālā hai, jo ananta kāl gayā athavā svayam chhoṭe-se baḍā huā, vah sab bhāv to chale gaye, parantu usako jānanevālā to vaisā hī hai. dhārāvāhī jānanevālā hai. chhoṭā thā, phir kyā huā, jo vichār āye, gaye, un sabako jānanevālā to dhārāvāhī aisā hī hai. us jānanevālekā jo astitva hai vah main hū̃n. jānanevālā main hū̃n. bāharakā jānā isaliye jānanevālā hūn̐, aisā nahīn, parantu main jānanevālā svayam jānanevālā hī hū̃n. jānanevālekā astitva grahaṇ karanā.
.. āshray-se hotī hai, parantu paryāy jitanā dravya nahīn hai. paryāy kṣhaṇik hai, ansh hai. aur dravya hai so to anshī hai. ananta paryāyarūp dravya pariṇamatā hai aur paryāy to palaṭatī rahatī hai. aur dravya to anādiananta ekasarīkhā hai. ataḥ ansh jitanā dravya nahīn hai. dravya to pūrā anshī anādiananta ananta-ananta svabhāv-se bharā hai. ananta svabhāv-se bharā hai.
mumukṣhuḥ- ananta guṇ jo kahanemen ātā hai, vah kyā hai?
samādhānaḥ- ananta guṇ kaho, ananta svabhāv kaho, vah sab ek hai.
mumukṣhuḥ- dravya niṣhkriy kaise hai?
samādhānaḥ- dravya niṣhkriy arthāt pāriṇāmikabhāvakī apekṣhā-se vah kriyāvān hai. usamen pariṇati hotī hai. pratyek guṇoṅkī paryāy (hotī hai). gnānakā kārya gnānarūp āye, ānandakā kārya ānandarūp ātā hai. pratyek guṇakā kārya usamen āte hī rahatā hai. kevalagnānīko kevalagnān hotā hai, lokālokako jāne vah sab gnānakā kārya ātā hai. kevalagnānī ānandarūp pariṇamate hain, ānandakā kārya āve. us apekṣhā-se dravya sakriy hai. parantu vah kriyā aisī nahīn hai ki vah dravya sarva prakār-se kriyātmak hai.
svayam anādiananta niṣhkriy hai. svayam apanī apekṣhā-se dravya niṣhkriy hai. maryādāmen usakī kriyāen̐ hotī hai. apanā dravya palaṭ jāy aisī kriyā usamen nahīn hotī hai. apanā svabhāv rakhakar vah kriyā usamen hotī hai. us apekṣhā-se dravya niṣhkriy hai. paryāy apekṣhā- se sakriy hai aur dravya apekṣhā-se niṣhkriy hai. sarvathā niṣhkriy nahīn hai.
mumukṣhuḥ- vahān̐ dravya akelā dhruv lenā?
samādhānaḥ- hān̐, akelā dhruv dravya. dravya ekasarīkhā rahatā hai.
mumukṣhuḥ- jo dr̥uṣhṭikā viṣhay banatā hai vah?
samādhānaḥ- hān̐, jo dr̥uṣhṭikā viṣhay banatā hai, vah dravya ekasarīkhā niṣhkriy rahatā hai. jisamen koī pheraphār nahīn hote. anādiananta ekarūp rahatā hai. apanā nāsh nahīn