276
hotā, aisā anādiananta niṣhkriy dravya hai. parantu dravya apekṣhā-se niṣhkriy, paryāy apekṣhā- se sakriy hai. yadi niṣhkriy ho to kevalagnānakī paryāy nahīn ho, ānandakī paryāy nahīn ho, usamen sādhak dashā nahīn ho, muni dashā nahīn ho. yadi koī kriyā hotī hī na ho to (koī dashā hī nahīn ho). paryāy apekṣhā-se sakriy aur dravya apekṣhā-se niṣhkriy hai.
.. dravya shūnya nahīn hai. jāgr̥utivālā hai aur kāryavālā hai. dravya apekṣhā-se niṣhkriya. apanā svabhāv usamen rahatā hai. aisā nityarūp dhruv rahatā hai, vah niṣhkriy hai. paryāy apekṣhā-se kāryavālā hai.
.. to use gnān kaise kahen? ānanda ānandarūp kārya na lāve to vah ānandakā guṇ kaise kahen? gnānakā jānanekā kārya yadi gnān na kare to use gnān kaise kahen? ānanda ānandakā kārya, shānti shāntikā kārya na kare to vah shānti aur ānandakā lakṣhaṇ kaise kahen? yadi kisī bhī prakārakī kriyā hī nahīn hotī ho dravyamen to jānanekā kārya bhī na ho aur shāntikā kārya bhī na ho aur puruṣhārtha palaṭanekā kārya na ho, to koī kārya hī na ho, sarvathā niṣhkriy ho to.
do pāriṇāmik bhāv nahīn hai, pāriṇāmikabhāv to ek hī hai. pāriṇāmikabhāv anādiananta dravyarūp jaisā hai vaisā, ekarup dhruvarūp dravya rahatā hai, vah pāriṇāmikabhāvarūp, apane svabhāvarūp pāriṇāmikabhāv rahatā hai. vah pāriṇāmikabhāv hai. aur paryāyamen jisamen upasham yā kṣhāyik aisī apekṣhā lāgū nahīn paḍatī, isaliye vah paryāyarūp aisā kahanemen ātā hai. .. apekṣhā-se aur paryāy bhī pāriṇāmikabhāvakī apekṣhā-se. dhruvarūp ekasarīkhā rahatā hai, isaliye paramapāriṇāmikabhāva. aur paryāy bhī pāriṇāmikabhāvarūp hai. jisamen upasham, kṣhayopasham, kṣhāyik aisī apekṣhā lāgū nahīn paḍatī. isaliye use aisī paryāy kahanemen ātī hai.
mumukṣhuḥ- .... bhūmikā kise kahate hain?
samādhānaḥ- svabhāvakī lagan andar laganī chāhiye ki mujhe svabhāv chāhiye, dūsarā kuchh nahīn chāhiye. usake liye usakī dhūn, laganī, vichār, vāñchan, usakī mahimā lage, bāhar sab ras ūtar jāy, bāharamen jo tīvratā ho vah sab manda paḍ jāya. bāharakā laukik ras use manda paḍ jāya. ek alaukik dashā prāpta (ho). alaukik mahimārūp ātmā hai. laukik kāryakā ras use manda paḍ jāya. usamen khaḍā ho, lekin sab manda paḍ jātā hai. usakā ras, vibhāvakā sarva prakārakā ras use manda paḍ jātā hai.
shubhabhāvamen use dev-guru-shāstra hote hain aur shuddhātmāmen ek ātmā. shuddhātmā kaise prāpta ho? jo bhagavānane prāpta kiyā, jo gurudevane sādhanā kī aur jo shāstramen ātā hai, us par use bhakti ātī hai. shubhabhāvamen vah hotā hai aur antaramen shuddhātmā kaise