Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

238 prāpta ho, vah hotā hai. bākī sab ras use ūtar jātā hai. ek ātmārthakā prayojan (hotā hai). mujhe kaise ātmākī prāpti ho? pratyek kāryamen use vah prayojan hotā hai. shubhabhāv āye, dev-garu-shāstrakī bhakti (āye). bākī sab use manda paḍ jātā hai. shubhabhāv to shuddhātmā prāpta ho to bhī āte hain, parantu usakā bhedagnān vartatā hai. bhedagnān ho to bhī shubhabhāv hote haĩn. parantu vah apanā svabhāv nahīn hai. shuddhātmākī pahachān kaise ho? shuddhātmākī bhāvanā, usakī lagan, usakī mahimā, usake liye vichār, vāñchan sab hotā hai. dūsarā sab ras kam ho jātā hai. ek dev-guru-shāstra taraphakī shubhabhāvanā rahatī hai aur ātmā kaise prāpta ho, us taraphakī lagan rahatī hai.

mumukṣhuḥ- anubhūti dashākā antaraṅg svarūp kaisā hotā hai?

samādhānaḥ- antaraṅg to vāṇīmen ātā nahī̃n. vikalpa chhūṭakar antaramen jo vedan ho, vah to svayam anubhav kar sakatā hai. jisamen akelā ātmā hī hai. vikalpa taraphakā upayog chhūṭ jātā hai, vikalpa chhūṭ jātā hai. vītarāg nahīn huā hai isaliye abuddhipūrvak hotā hai. bākī antarmuhūrtamen upayog phir-se bāhar ātā hai. kṣhaṇabharake liye upayog apanemen jam jātā hai. jo svarūp apanā astitva chaitanyakā hai, gnāyakakā astitva hai usamen usakā upayog jam jātā hai. chaitanya jis svabhāv-se hai, ananta guṇ-se bharapūr aur ānanda-se bharā huā ātmā, ānanda guṇ svayansiddha usīkā hai. gnānaguṇ usakā hai, aise ananta guṇ-se bharā huā ātmā, usamen usakā upayog līn ho jātā hai, vikalpa chhūṭ jātā hai. vikalpakī ākulatā chhūṭakar usakā upayog svarūpamen jam jātā hai.

svānubhūti to vachanamen (ātī nahīn), vah svayam vedan karake jān sakatā hai. vachanamen to amuk prakārase ātā hai. usakī dishā pūrī badal jātī hai. jo vibhāvakī bāharakī dishā thī, vah palaṭakar svabhāvakī dishā koī alag hī duniyāmen chalā jātā hai. vah usakī svānubhūti hai. ye vibhāvakī duniyā nahīn, ye laukik duniyā nahīn, parantu alaukik duniyāmen vah chalā jātā hai aur svabhāvamen ekadam līnatā ho jātī hai. usamen jo usakā svabhāv hai, us jātakī pariṇati ho jātī hai, vah use anubhūtimen vedanamen ātī hai aur vah use jān sakatā hai, anubhav kar sakatā hai. ānandase bharā, gnānase bharā, chaitanya chamatkār dev, chamatkārī dev svayam virājatā hai. usakī use svānubhūti hotī hai.

mumukṣhuḥ- jo kuchh kah sako vah āp kah sakate ho. bākī usakā antaraṅg svarūp to...

samādhānaḥ- amuk prakār-se āye. vikalpa chhūṭakar nirvikalpa duniyāmen chalā jātā hai. aur usamen apanā jo chaitanyakā astitva hai, vah use svānubhutimen ātā hai. ananta guṇakā bhaṇḍār ātmā hai, vah use svānubhūtimen ātā hai. jaise siddha bhagavān hain, vah

< Previous Page Next Page >