276
siddha bhagavānakā ansh use svānubhūtimen ātā hai. usakī dishā palaṭ jātī hai, usakī pariṇati palaṭ jātī hai. svasanmukh hokar svarūpamen jam jātā hai. anupam guṇakā bhaṇḍār, anupam ānanda-se bharā ātmā, us anupam ānandakā vedan karatā hai. jagatakī vibhāvadashāmen jo ānanda nahīn hai, vibhāvadashāmen jo gnān hai vah ākulatāyukta gnān hai. svayam nirākul svarūp ātmā aur anupam ānanda-se bharā, aise ātmākā vah vedan karatā hai.
mumukṣhuḥ- nirvikalpa dhyānakā svarūp aur ye donon ek hī hai? nirvikalpa dhyānakā svarūp kaho yā antaraṅg anubhūtisvarūp kaho, (donon ek hī hai)?
samādhānaḥ- donon ek hī hai. nirvikalpa dhyān yānī svarūpakī svānubhūti hai.
mumukṣhuḥ- dr̥uṣhṭikā viṣhay jo hai vah to shuddha-ashuddha paryāy rahit sāmānya dravya svabhāv hai. jabaki gnānakā viṣhay sāmānya-visheṣh tathā sarva pahalūse ātmāko jānanā hai. ab, jitanā gnānakā viṣhay sāmānya pahalū hai, utanā to dr̥uṣhṭikā viṣhay hai hī. phir bhī dr̥uṣhṭi samyak ho tabhī gnān samyak ho, aisā kyon?
samādhānaḥ- gnānakā viṣhay hai. parantu dr̥uṣhṭi hai vah bhedamen rukatī nahīn, ek sāmānya par hī dr̥uṣhṭiko sthāpit kar dī hai. usakā jor ek sāmānya par hī hai. gnān sāmānya aur visheṣh donoṅko jānatā hai. jānanemen bhed āte haĩn. dr̥uṣhṭimen ek sāmānyakā jo bal ātā hai, aisā bal gnānamen nahīn hai. dr̥uṣhṭi balavān hai. ek sāmanyako grahaṇ karatī hai, ekako grahaṇ karanevālī hai. us ek par hī jor karake āge baḍhatī hai.
chaitanya jo sāmānya anādiananta hai vah main hū̃n. usamen bhed par usakī najar nahīn hai, paryāy par najar nahīn hai, guṇabhed par najar nahīn hai. ek sāmānya chaitanyakā astitva jo gnāyak, vah main hū̃n. us par dr̥uṣhṭikā bal, jo sāmarthya hai vaisā bal gnānamen nahīn hai. gnān jānanekā kārya karatā hai. sāmānya aur visheṣh donoṅkā jānakar, jaisā gnān ho vaisī usakī pariṇati hotī hai. gnān yathārtha ho to pariṇati yathārtha hotī hai. parantu dr̥uṣhṭi adhik balavān hai. dr̥uṣhṭimen bal hai. pūre sāmānyako grahaṇ kiyā hai isaliye.
mumukṣhuḥ- mūlyavān dr̥uṣhṭi hai?
samādhānaḥ- mūlyavān dr̥uṣhṭi hai.
mumukṣhuḥ- dr̥uṣhṭi jo kām karatī hai vah gnānamen gnāt hotā hai.
samādhānaḥ- gnānamen gnāt hotā hai, parantu dr̥uṣhṭi balavān aur joradār hai. ek par sthāpit karake us anusār usakī pariṇati, līnatā hotī hai. ādamīne ek nakkī kiyā ho ki aisā karanā hai. ekake sivā dūsarā kuchh dekhe nahīn aur dr̥uḍhatāse vah kārya karatā hai. vaise yah ek (kārya dr̥uṣhṭi karatī hai). phir bīchamen jo sab bhed aur prakār hai, us par dr̥uṣhṭi nahīn dekar ek sāmānya, ek ātmāko (grahaṇ karatī hai). bas,