266 nahīn hai, yah hit nahīn hai, yah dharma nahīn hai, aisā karake kaṣhāy phike kiye.
jise ātmākī ruchi ho usake kaṣhāy sahaj hī phike paḍ jāte haĩn. jise ātmā hī ruchatā hai, dūsarā kuchh ruchatā nahīn, ātmā hī jise iṣhṭa hai, use bāhya kaṣhāy sukharūp nahīn lagate. vah to use phik paḍ hī jāte haĩn. jo ātmārthī huā, jise ātmākā prayojan hai use kaṣhāyommenn tīvratā nahīn rahatī, mandatā ho jātī hai. vah usase pīchhe haṭ jātā hai.
mumukṣhuḥ- arthāt pahale-se hī gnāyakake lakṣhyakī shurūāt...?
samādhānaḥ- hān̐, gnāyakake lakṣhya-se shurūāt hotī hai. vahī shurūāt hai. usamen sab samā jātā hai. ruchi, kaṣhāyakī mandatā, sab usamen samā jātā hai. gnāyakake lakṣhya- se shurūāt karanī hai. main kaun hūn̐? main tattva kaun hūn̐? us tattvakā nirṇay karanā. vichār karake usakā nirṇay kare. gnāyakake lakṣhya binā ananta kālamen bahut kuchh kiyā, parantu mūl tattva grahaṇ kiye binā binā aṅkake shūnya jaisā huā. kisake liye karatā hūn̐? chaitanyatattvakā astitva grahaṇ nahīn kiyā, mātra shubhabhāv hue haĩn.
.. lakṣhya kare to antaramen ānanda bharā hai. ananta gnān antaramen hai. svānubhūti sab antaramen rahī hai. bhedagnān kare. vikalpa ṭūṭakar ātmā nirvikalpa tattva hai, usakī svānubhūti antar dr̥uṣhṭi karane-se hotī hai, bāhar-se nahīn hotā. bāhar-se sab kiyā. sab raṭ liyā, paḍh liyā, samajhe binā dhyān kiyā, sab kiyā. parantu ātmākā astitva grahaṇ kiye binākā vah sab mātra shubhabhāvarūp huā.
mumukṣhuḥ- bhedagnān kaise karanā?
samādhānaḥ- bhedagnān chaitanyako pahachānane-se hotā hai. main yah chaitanya (hūn̐). apanā astitva grahaṇ kare ki main yah gnāyak gnānasvarūp ātmā hū̃n. yah sab mujh-se bhinna hai. ye sharīr aur vibhāvabhāv jo antaramen bhāv hote hain, vah svabhāv bhī merā nahīn hai, main usase bhinna hū̃n. aise gnāyak, main chaitanya gnāyak hī hūn̐, aisā nirṇay karake usakā astitva grahaṇ kare. phir usakā abhyās kare. pahale to abhyāsarūp hotā hai. sahaj dashā to bādamen hotī hai.
abhyās kare ki main gnāyak hū̃n. gnāyakakī hī use mahimā āye, bākī sab mahimā chhūṭ jāya. gnāyakamen sab bharā hai. use anubhūtike pahale vah vedanamen nahīn ātā, parantu vah nirṇay karatā hai ki gnāyakamen hī sab hai. gnān-gnāyak padārtha pūrā mahimāvant hai. gnāyakakā abhyās kare ki main sarvase bhinna, bhinna, bhinna aisā kṣhaṇ-kṣhaṇamen usīkā abhyās kare. to usamen use bhedagnān hotā hai. usakā abhyās kare. aur shubhabhāvamen sachche dev- guru aur shāstra use shubhabhāvanāmen hote haĩn. antaramen gnāyakakā bhedagnān kaise ho? bārambār