Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

268

jagat-se jātyāntar alag hī ānanda hai. usakī jāt kisīke sāth milatī nahī̃n. koī devalokakā sukh yā chakravartīkā rāj yā kisīke sāth usakā mel nahīn hai. vah sab vibhāvik hai, sab rāgamishrit hai. jisake sāth rāg rahā hai, usake sāth mel nahīn hai. andar ūchchase ūchcha shubhabhāv ho to bhī vah shubhabhāv hai. shubhabhāvake sāth bhī usakā mel nahīn hai. shubhabhāv-se bhī bhinna shuddhātmā hai.

manda kaṣhāy ho. main gnān hūn̐, main darshan hūn̐, main chāritra hū̃n. pahale shurūātamen vah sab vikalpa āte haiain, ātma svabhāvako pahichānaneke liye, to bhī vah vikalpa mishrit jo rāg hai, usake sāth ātmāke ānandakā mel nahīn hai. ātmākā ānanda to usase alag hai.

mumukṣhuḥ- apane-se tiryañchakā kuchh jyādā puruṣhārtha hogā tabhī use anubhūti hotī hogī.

samādhānaḥ- us apekṣhā-se, anubhūti usane prāpta kī us apekṣhā-se usakā puruṣhārtha jyādā hai aisā kah sakate haĩn.

mumukṣhuḥ- use to kṣhayopashamakā utanā ughāḍ bhī nahīn hai.

samādhānaḥ- ughāḍake sāth use sambandha nahīn hai. prayojanabhūt tattvako jāne isaliye ātmākī svānubhūti pragaṭ hotī hai. jyādā shāstrakā gnān ho yā jyādā shāstra paḍhe ho, usake sāth (sambandha nahīn hai).

.. ātmākā svarūp main chaitanya padārtha, apane dravya-guṇ-paryāy aur parapadārthake, utanā mūl prayojanabhūt jāne to usamen svānubhūti hotī hai. usakā bhedagnān kare ki yah sharīr so main nahīn hūn̐, ye vibhāv shubhāshubhabhāv bhī merā svarūp nahīn hai. main usase bhinna, ananta guṇ-se bharapūr, ananta shaktiyon-se bharā ātmatattva hū̃n. aisā vikalpa nahīn, parantu aise apane astitvako grahaṇ karake usakā bhedagnān kare. us bhedakī sahaj dashā pragaṭ karake andar vikalpa chhūṭakar sthir ho jāy, usakī shraddhā-pratīt karake, gnān karake usamen sthir ho jāy to use bhedagnān nirvikalpa svānubhūti hotī hai. usamen jyādā shāstra abhyāsakī jarūrat nahīn hai.

vah to nahīn ho tabatak use shubhabhāvamen rahaneke liye visheṣh gnānakī nirmalatā ho, isaliye shāstrakā abhyās kare. parantu jyādā jāne to hī ho, aisā sambandha nahīn hai. use kṣhayopashamake sāth koī sambandha nahīn hai. use apanī antar pariṇati palaṭaneke liye prayojanabhūt tattvako jāne, usakī shraddhā kare aur usamen sthir ho to use hotā hai.

shivabhūti muni kuchh nahīn jānate the. gurune kahā ki mātuṣh aur māruṣha. rāg-dveṣh mat kara. vah shabda bhūl gaye. gurune kyā kahā thā vah shabda bhūl gaye. phir ek bāī

< Previous Page Next Page >