270 ātmā bhinna, dharma kriyā-se nahīn hai, dharma antaramen hai, shubhabhāv puṇyabandha hai. andar shuddhātmāmen pariṇati pragaṭ hone-se dharma hotā hai. sab unhonne prakāshit kiyā hai. samayasārakā artha kaun samajhatā thā? ek-ek shabdakā artha karanevālā kaun thā? koī bhī shāstra le, usake ek-ek shabdakā artha kholanevālā thā kaun? koī khol nahīn sakatā thā.
abhī gurudevake pratāp-se sab shāstra paḍhane lage. ek shabdakā artha kholakar, ek- ek shabdakā artha kholakar kitanā samay, usamen kitanā vistār karate the. vah kisīmen shakti nahīn hai. abhī koī paṇḍit aisā kar nahīn sakate haĩn. samayasār yā adhyātma shāstroṅko kaun jānatā thā.
mumukṣhuḥ- digambar to aisā samajhate the ki ham to janma-se hī samyagdr̥uṣhṭi hai. phir to bāt hī kahān̐ rahī.
samādhānaḥ- janma-se ho sakatā hai? vāḍā mātra kahīn samyagdarshan detā nahī̃n. samyagdarshan to ātmāmen pragaṭ hotā hai. ananta kāl-se jīvane.. kahate hain na ki pañchamakālamen tīrthaṅkarakā jīv āye to bhī māne nahī̃n. ananta kālamen samavasaraṇamen-se jīv aise hī vāpas ātā hai. samavasaraṇamen bhagavān mile to bhī svany apanī ichchhānusār pariṇati pragaṭ karatā hai. sab svatantra hai.
mumukṣhuḥ- gurudevane prakāshamen rakhā to yahī paṇḍit log chūn̐.. chūn̐.. karate the. yehī paṇḍit the. gurudevane tattva prakāshit kiyā tab bhī itanā hī uhāpoh karate the. jahān̐- tahān̐ pempaleṭ pheṅkate the. unake virūddhamen likhate the, aise hai, vaise hai, kitanā likhate the.
samādhānaḥ- svayaṅko sudharanā hai (aur) dūsareko sudhāranā hai. pahale apane ātmākā kalyāṇ kare. dūsareko sudhāraneke liye mānon koī mārga nahīn jānate hain, ham hī jānate haĩn. aisā un logoṅko ho gayā hai.
mumukṣhuḥ- āpake āshīrvād-se pañch kalyāṇak bahut achchhī tarah ujavāye. sab tan-man-se aise juḍ jāy ki sonagaḍhamen ronak ho jāya.
samādhānaḥ- sabakī bhāvanā hai, bhāvanā-se sab kiyā hai aur gurudevakā pratāp hai. samādhānaḥ- jīv vāpas ātā hai. mātra bāhya dr̥uṣhṭi-se dekhatā hai. antar dr̥uṣhṭi- se dekhā nahīn hai, bhagavānako pahachānā nahīn hai. tere ātmāmen hī sab hai. andar gaharāīmen ūtarakar dekha. samavasaraṇamen jaise bhagavān hon, vaise shāshvat nandīshvaramen shāshvat bhagavān haĩn. kudaratakī rachanā aisī banī hai. paramāṇukī rachanā bhagavānarūp ho gayī hai. jinendra devakī jagatamen aisī mahimā hai ki paramāṇu bhī jinendra devarūp pariṇamit ho gaye hain, tīrthaṅkararūp paramāṇu pariṇamit ho jāte haĩn. ratnake rajakaṇ vaise pariṇamit ho jāte haĩn.
.. shāstramen ātā hai na? bhagavānake dravya-guṇ-paryāyako pahichāne to apane dravya-