280 sādhanā shurū hotī hai. aisā hī vastukā svarūp hai.
jis apekṣhā-se vastu apariṇāmī hai aur jo pariṇāmī hai, usakī apekṣhā alag hai. parantu dravya aur paryāyakā yugma sāthamen hī hotā hai. usamen-se ek bhī nikal nahīn sakatā. donoṅkī apekṣhā alag hai. aur sādhanāmen vah donon sāthamen hī hote haĩn. ek mukhyapane hotā hai, ek gauṇapane hotā hai.
mumukṣhuḥ- donon bāt use apane lakṣhyamen rakhanī chāhiye?
samādhānaḥ- ek mukhya hotī hai. dravyadr̥uṣhṭi anādi-se jīvane kī nahīn hai, isaliye dravyadr̥uṣhṭi mukhya hai. to bhī paryāy to usake sāth hotī hai. vah dravya paryāy rahit nahīn hotā aur paryāyako dravyakā āshray hotā hai. aisā sambandha to dravya aur paryāyakā hotā hai. vah use sāthamen hotā hai. usakī dr̥uṣhṭi anādi-se paryāy par hai. dr̥uṣhṭi palaṭakar dravya par dr̥uṣhṭi mukhya karake usake sāth paryāy gauṇ hotī hai. paryāy nikal nahīn jātī. paryāy sāthamen hotī hai. sādhanāmen donon sāthamen hote haĩn. dravyadr̥uṣhṭi mukhya aur sādhanā paryāyamen hotī hai. donon sāthamen hote haĩn.
mumukṣhuḥ- chhaṭhṭhī gāthāmen pramatta-apramatta rahit dhruv gnāyak kahā, vah to samajhamen ātā hai. parantu dūsare pairegrāphamen kahate hain ki gneyākār avasthāmen jo gnāyakapane gnāt huā vah svarūp prakāshanakī avasthāmen bhī kartā-karmakā ananyapanā hone-se gnāyak hī hai. to yahān̐ dhruv gnāyakakī bāt chalatī hai, phir bhī dūsare pairegrāphamen avasthākī bāt kyon lī? kyā avasthā samajhānī hai yā trikālī gnāyak samajhānā hai? isamen pahale aur dūsare pairegrāphakā gnāyak ek hī hai yā bhinna-bhinna hai?
samādhānaḥ- gnāyak ek hī hai. āchāryadevako gnāyak hī sābit karanā hai. gnāyak jo anādi-se gnāyak hai, vah anādikā gnāyak hai. vibhāv avasthāmen jo gnāyak hai aur pramatta-apramatta avasthāmen jo gnāyak hai, vahī gnāyak, svarūp prakāshanakī avasthāmen vahī gnāyak hai.
āchāryadev kahate hain ki anādi-se jo vibhāvakī paryāy hai, usamen anādi-se vah gnāyak hī rahā hai. gnāyakapanā usakā badalā nahī̃n. svataḥsiddha gnāyak hai. vah gnāyak hī rahā hai. pramatta-apramattakī jo usakī chāritrakī dashā hai, vah chāritrakī jo dashā hai, usamen bhī vah gnāyak hī rahā hai. chāritramen jo chhaṭhaven-sātaven guṇasthānamenn muni jhulate hain, kṣhaṇamen svānubhūti aur kṣhaṇamen bāhar āte hain, aisī paryāyoṅkī jo sādhanākī dashā hai, jo munikī chāritrakī dashā hai, usamen bhī gnāyak to dravyarūp, dravya gnāyakarūp hī rahā hai. vah dravya rahā hai.
usamen to gnāyak ashuddha nahīn huā hai. anādi-se ashuddha nahīn huā hai. gnānakī