312
samādhānaḥ- jarūrat andar-se laganī chāhiye. jarūrat isīkī hai, dūsarī kuchh jarūrat nahīn hai. ye sab bāharakī jarūrat vah vāstavik jarūrat nahīn hai. vah sab sārarūp nahīn hai. jarūrat svarūp vastu jo ādarane yogya hai aur jo grahaṇ karane yogya hai, vah yahī hai. jo kalyāṇasvarūp aur ātmāko ānandasvarūp evan sukhasvarūp hai vah yahī hai. use gnānamen gnāyakamen sab bharā hai, utanā vishvās aur utanī mahimā ānī chāhiye. dikhatā hai gnān, vah gnān rukhā nahīn hai, gnān pūrā bharachak bharā huā, mahimā-se bharapūr hai. utanī use andar-se mahimā ānī chāhiye.
mumukṣhuḥ- apanī jarūrat lage aur parakī bhī jarūrat lage to vah vāstavamen jarūrat nahīn lagī hai.
samādhānaḥ- apanī jarūrat laganī chāhiye. mujhe isīkī jarūrat hai. mere ātma svabhāvakī hī jarūrat hai.
mumukṣhuḥ- pahale-se chalī ā rahī anya padārthakī jarūrat bhāsī hai, usake sāmane apanā jo gnānatattva hai, usakī ekamātra jarūrat use hai aur dūsarī koī jarūrat nahīn hai, aisā tulanātmakabuddhimen use..
samādhānaḥ- aisā nirṇay honā chāhiye. koī jarūrat nahīn hai. ye sab bāharake gney padārtha hain, vah koī mahimārūp nahīn hai, vah jarūratavāle nahīn hai. jarūrat ek ātmākī, ātma svabhāvakī hī hai. aur vah svabhāv mahimāvant hai. utanā use antaramen laganā chāhiye. utanī use anupamatā laganī chāhiye. ye sab gneyoṅkā ṭhāṭh dikhe, vah gney use mahimārūp nahīn lagate. use mahimā ek ātmākī hī lagatī hai. ek ātmāmen hī sab sarvasva hai, kahīn or sarvasva nahīn hai.
mumukṣhuḥ- aisā vishvās bhī ātā hai ki merī vastuke ādhār-se mujhe santoṣh, shānti, vishrām vedanamen āyegā vah mujhe nitya anubhavamen āyegā. aur vahān̐-se mujhe kabhī vāpas nahīn muḍanā paḍegā. aisī use..
samādhānaḥ- pratīt honī chāhiye. vahī satyārtha kalyāṇarūhap hai, vahī anubhav karane yogya hai, vahī tr̥upti, usīmen use tr̥upti hogī, usīmen use ānanda hogā. usamen prītivant ban, usamen santuṣhṭa ho, usamen tr̥upta ho.
isamen sadā rativant ban, isamen sadā santuṣhṭa re. isase hī ban tū tr̥upta, uttam saukhya ho jisase tujhe..206.. usamen tujhe tr̥upti hogī, usamen-se tujhe bāhar jānekā man nahīn hogā. aisā tr̥uptasvarūp, santoṣhasvarūp ātmā hai, use grahaṇ kara.
mumukṣhuḥ- andar sab bharā hai aur khojatā hai bāhara.