Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

287

313

samādhānaḥ- bāhar khojatā hai, sab bāhar khojatā hai. tujhe kahīn bāhar ānandakā yā gnānakā vyartha prayatna nahīn karanā paḍegā, tujhe andaramen-se hī sab pragaṭ hogā. tujhe ānanda aur gnān apaneāp pariṇamane lageṅge. jisamen thakān nahīn hai yā jisamen koī kaṣhṭa nahīn hai, aisā jo ātmā sahaj pariṇāmī hai, vah sahaj pragaṭapane pariṇamegā. parantu us shurūātakī bhūmikāmen palaṭanā kaṭhin lagatā hai. apanī bhāvanā hai...

mumukṣhuḥ- vachanāmr̥utamen ek jagah ātā hai ki parasanmukh jāne-se gnān dab jātā hai aur antarmukh hone-se gnān khīl uṭhatā hai, vahān̐ kyā kahanā hai?

samādhānaḥ- gnān parasanmukh jātā hai to ek gneyamen aṭak jātā hai. ek gneyakī utanī maryādā ā jātī hai. jo upayog jahān̐ aṭakā, utanā hī use gnāt hotā hai. aur apane sanmukh, svasanmukh hotā hai, vahān̐ gnānakī nirmalatā visheṣh hotī hai. vah ek jagah aṭakatā nahī̃n. gnān sahaj pariṇamatā hai. vah gnān khīlatā hai. antaramen jātā hai vahān̐ svabhāvarūp pariṇamatā hai. jaise-jaise vītarāg dashā baḍhatī jāy, vaise gnān nirmal hotā jātā hai. gnānakā vikās hotā hai. vah ek jagah aṭak jātā hai. gnānakī ananta shakti hai vah ek gneyamen aṭak jātī hai.

mumukṣhuḥ- aṭak jātā hai kaho ki ban̐dh jātī hai aisā kaho. usamen mukta ho jātā hai.

samādhānaḥ- gney-se bhinna paḍatā hai, vahān̐ svayam pariṇamatā hai. gnān gnānarūp pariṇamatā hai. gnān svayaṅko jānanekī kriyārūp pariṇamatā hai. jaisā hai vaisā pariṇamatā hai. gurudevane pūrā muktikā mārga, svānubhūtikā mārga ekadam spaṣhṭa kiyā hai. karanekā svayaṅko bākī rahatā hai. andar-se jise lagī ho, to puruṣhārthakī dishā badalatī hai. gurudevane to ekadam spaṣhṭa kar diyā hai.

jahān̐ apanī taraph gayā to usakī nirmalatā svayam pariṇamatī hai. isamen gneyamen aṭak jātā hai. gnānakī mahimā āyī. gnān apane kṣhetramen rahakar, us kṣhetramen jātā bhī nahīn, par taraph upayog rakhane nahīn jātā hai. svayam apane kṣhetramen rahakar sab gneyoṅko jāne. gney use gnāt ho jāte hain, apane kṣhetramen rahakara. vah gnānakī koī achintya shakti hai. svayam apane kṣhetramen rahakar, pūre lokake jo gney hain, usake dravya-kṣhetra-kāl-bhāv ananta ananta gney, apane kṣhetramen rahakar, apanemen rahakar lokālokako jān sakatā hai. usake pahale, lokālokako jāne usake pahale use svānubhūtimen gnānakī nirmalatā hotī hai. vah bāharakā jāne yā na jāne, parantu use gnānakī nirmalatā hotī hai.

mumukṣhuḥ- samyakagnānakī nirmalatā sva anubhav hone-se ho jātī hai.

samādhānaḥ- gnānakī nirmalatā hotī hai.

< Previous Page Next Page >