Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

314

mumukṣhuḥ- ... merā jīvan thā, aisā use bhāsit hotā thā, usake badale ab merā jīvan mere ādhār-se hī hai.

samādhānaḥ- merī hī ādhār-se hai, kisīke ādhār-se nahīn hai. par-se main ṭikatā hūn̐ aur par-se merā jīvan hai, usake badale svayam merā astitva hai, main svayam gnāyak hū̃n. main svayam ek padārtha hū̃n. koī padārthase main ṭikū yā koī bāharake sādhanon-se, yā sharīrādi padārthase ṭikū aisā tattva nahīn hai. tattva svayam svataḥsiddha hai. tattva svayam apane- se ṭik rahā hai. use koī padārthake āshrayakī āvashyakatā nahīn hai. svayam svataḥsiddha hai. parantu vah ekatvabuddhi karake aṭak rahā hai.

ātā hai na? svataḥsiddha tattva, tattva use kahe ki jise parake āshrayakī jarūrat na ho. usakā nām tattva, usakā nām svabhāv kahanemen ātā hai. jis svabhāvako parake āshrayase vah svabhāv pariṇame athavā parake āshrayake jarūrat paḍe, use svabhāv nahīn kahate. jo svataḥsiddha svabhāv ho, vah svayam pariṇamatā hai. aur us svabhāvamen maryādā bhī nahīn hotī ki ye svabhāv itanā hī ho yā itanā hī jāne. aisā nahīn hotā. vah svabhāv amaryādit hotā hai.

vaise gnān, vaise ānanda, vaise ananta guṇ (hain). jo svabhāv ho us svabhāvako maryāedā nahīn hotī. jo svataḥsiddha svabhāv hai, vah ananta hī hotā hai. use maryādā nahīn hotī yā use itanā hī ho, yā utanā hī ho, aisā nahīn hotā. vah kisīke āshray-se pariṇame yā koī āshray na ho to usakī pariṇati kam ho jāy, aisā nahīn hai.

jo svataḥ pariṇāmī hai, svayam hī svataḥsiddha pariṇāmī hai. svabhāvako koī maryāedā nahīn hotī. parantu usane sab mān liyā hai agnānatā-se. usakā nāma3 svabhāv, usakā nām tattva kahe ki jo svataḥsiddha ho aur jo ananta ho. aise apane svataḥsiddha svabhāvakī use mahimā āye to vah apanī or jātā hai.

bāhar-se use thakān lage, vibhāv pariṇati-se use thakān lage, use vikalpakī jāl-se thakān lage to vah apanā chaitanyakā āshray grahaṇ karatā hai. vah thakatā nahīn hai to use apanā āshray lenā kaṭhin lagatā hai. use thakān lage ki ye pariṇati to kr̥utrim hai, sahaj nahīn hai. jo-jo kaṣhṭarūp hai, duḥkharūp hai. to apanā jo svabhāv hai, usakā āshray grahaṇ karanekī use andar-se jignāsā, bhāvanā hue binā nahīn rahatī.

prashamamūrti bhagavatī mātano jay ho! mātājīnī amr̥ut vāṇīno jay ho!

< Previous Page Next Page >