288
visheṣh, sab parapadāthā-se bhinna, chhaḥ dravya-se bhinna main ek chaitanyatattva gnān-darshan-se pūrṇa hū̃n. aise ātmatattvako antaramen grahaṇ kare. main sarvase bhinna aisā pratāpavant hū̃n. merī pratāp sampadā sabase bhinna hai. aise chaitanyatattvako svānubhūtimen grahaṇ kare.
pahale use dravyadr̥uṣhṭimen grahaṇ kare, phir usakā bhedagnānakā bārambār prayatna kare. bārambār, main yah chaitanya hī hūn̐, anya kuchh nahīn hū̃n. aur gnānamen guṇoṅke bhed, paryāyake bhed gnānamen grahaṇ kare. dr̥uṣhṭi ek dravya par hī rakhe. bākī sab gnānamen grahaṇ karake puruṣhārtha kare. main dravyadr̥uṣhṭi-se pūrṇa hūn̐, parantu paryāyamen jo adhūrāpan hai usakī sādhanā kare. usakī sādhanā karake gnātādhārākī bārambār ugratā kare. bhedagnān karake usakī ugratā kare to vah chaitanyatattva pragaṭ hue binā nahīn rahatā. kyoṅki svayam hī hai, koī anya nahīn hai ki pragaṭ na ho. svayam hī hai. parantu svayam aisī gnātādhārākī ugratā kare to pragaṭ ho.
āchāryadev kahate hain ki jitanā gnān hai utanā hī tū hai. vahī satyārtha kalyāṇarūp hai. vahī paramārtha hai aur vahī anubhav karaneyogya hai. usīmen tujhe tr̥upti hogī aur santoṣh hogā. sab usīmen bharā hai. isaliye us gnānamen ananta-ananta bharā hai. ananta shaktioṅkā bharā huā ananta mahimāvant ātmāko grahaṇ kare to vah pragaṭ hue binā nahīn rahatā.
bārambār usake vikalpake nayapakṣhemen aṭake ki main shuddha hūn̐ yā ashuddha hūn̐, vah sab vikalpātmak (nayapakṣha hai). pahale vichārase nirṇay kare ki gnānasvabhāv main hū̃n. kis apekṣhā-se shuddhatā, kis apekṣhā-se ashuddhatā? sab nakkī karake phir usakā jo upayog bāhar jātā hai, us upayogako apanī or moḍe. aur nirvikalpa tattva hai, use bārambār usakī sādhanā karake gnātādhārākī ugratā kare. vikalpa-se use thakān lage aur chaitanyatattvamen sarvasva lage to vikalpa chhūṭakar nirvikalpa tattva pragaṭ hue binā nahīn rahatā.
vah sahaj tattva hai. sahaj tattva pāriṇāmikabhāvarūp pariṇamatā huā apane ānanda svabhāvarūp, gnānasvabhāvarūp ananta svabhāvarūp pariṇamatā huā vah tattva use pragaṭ hotā hai. shaktimen to anantatā to bharī hai, parantu use pragaṭ pariṇamatā huā pragaṭ hotā hai. vikalpa taraph-se upayog chhūṭakar, usakā bhedagnān karake, apanā astitva yadi vah grahaṇ kare to vah pragaṭ hue binā rahatā hī nahī̃n. aisī svabhāvakī mahimā gurudevane batāyī hai. aur vah karane jaisā hai. vah na ho tabatak usakī bhāvanā, bārambār prayās karanā. shubhabhāvamen dev-guru-shāstrakā āshray rakhe. antaramen shuddhātmākā āshray kare.
shuddhātmākā āshray pragaṭ karaneke liye dev-guuru-shāstra kyā kahate hain, usake āshray- se chaitanyatattvakā āshray grahaṇ kare. upādān apanā taiyār kare to nimitta nimittarūp hue binā nahīn rahatā. aisā gurudevane bārambār batāyā hai. aur karane jaisā vahī hai.
jo gnānasvabhāv dikh rahā hai, ki jo kṣhayopashamake bhedamen bhī bhale akhaṇḍako grahaṇ