Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

318 karanā. āchāryadev kahate hain na, prakāshakā pun̐j bādalamen hai. lekin vah kiraṇ kahān̐- se āyā hai, usake mūlako grahaṇ karanā. vaise yah gnānasvabhāv bhedavālā dikhe, parantu usakā mūl kahān̐ hai? usakī ḍor kahān̐ hai? usakā mūl kahān̐ hai? us mūlako grahaṇ kare. arthāt paryāyako grahaṇ nahīn karake mūl tattva kyā hai, us tattvako grahaṇ karake, mūl grahaṇ karake mūlakā āshray kare. aur bārambār usakā bhedagnānakā prayās kare ki ye vikalpādi main nahīn hūn̐, usase main bhinna hūn̐ aur main gnāyak hū̃n. main gnāyak hūn̐, gnāyak hūn̐, aisā vikalparūp nahīn parantu aisī sahaj pariṇati. use sahaj pariṇati rūp jīvan aisā ho jāy, gnāyakarūp jīvan ho jātā hai. to use vikalpa chhūṭe binā rahate hī nahī̃n.

gnāyakarūp jīvana. ye sharīrarūp jīvan nahīn, vikalparūp, vikalpakī jālarūp ekatvabuddhirūp jīvan nahīn, parantu bārambār gnāyakarūp usakā jīvan ho to gnāyak gnāyakarūp pariṇaman kiye binā nahīn rahatā. aisī sahaj vastukā svabhāv hī aisā hai.

mumukṣhuḥ- āpane kahā usamen to bahut-bahut ā jātā hai, aise to sab ā jātā hai, parantu abhī bhī sunate hī rahe aisā lagatā hai. antaramen ātmāko kaise pratyakṣha karanā vah jarā visheṣh samajhāīye.

samādhānaḥ- usake gnānalakṣhaṇ-se pratyakṣha ho aisā hai. use jo gnānalakṣhaṇ gnāt ho rahā hai, vah koī tattva hai. gnān hai vah nirādhār nahīn hai. koī tattva hai. vah tattva hī gnānasvarūp hai. jaise yah jaḍ tattva dikhatā hai, vaise ek gnānatattva hai. jo sahaj hai.

jo ānanda sāgarase bharā huā, gnānasāgarase bharā huā ek chaitanyatattva hai. use svayam pratīt-se nakkī kare ki ye gnān svabhāv hai vahī main hū̃n. phir usakī pragaṭ prasiddhike liye āchāryadev kahate hain ki terā upayog jo bāhar jā rahā hai, mati-shrutagnān, vikalpa jo terā upayog bāhar jātā hai, us upayogamen samā de to usakī pragaṭ prasiddha hotī hai.

pahale use pratīt-se usakā lakṣhaṇ pahichānakar nakkī kar ki ye jo gnānasvabhāv hai vah gnānatattva hai. gnāyakatattva chaitanyatattva hai, jo ānandasāgar aur gnānasāgar-se bharā huā ek tattva hai. us tattvakī tū pratīt karake phir mati-shrutakā upayog jo bāhar jātā hai, us upayogako tū antaramen samā de. upayog andar chaitanyamen līn kar de to usakī pragaṭ prasiddhi svānubhūtirūp hotī hai. vah jagatase bhinna vishva par tairatā huā bhinna ātmā use pragaṭ hotā hai. parantu usakī pratīti kare to usakī pragaṭ prasiddhi hotī hai.

< Previous Page Next Page >