288
vah pratīti, usakī pratīti aisī hotī hai ki pratyakṣha jaisī. bhale pratyakṣha pragaṭ nahīn huā hai, parantu vah pratyakṣha jaisī pratīti, aisā dr̥uḍh nirṇay karake chaitanyatattvakā āshrayase usake balase āge jātā hai ki yahī hai, anya kuchh nahīn hai. yahī mārga hai aur isī mārga par jānā hai. aise gnānasvabhāvako, gnāyakatattvako grahaṇ karake usakī or mati- shrutakā upayog moḍatā hai aur bārambār usakī dr̥uḍhatā karatā hai. to usakī pragaṭ prasiddhi hue binā nahīn rahatī.
samādhānaḥ- ... svatantra hai. dev-guru-shāstra usamen nimitta hote haĩn. parantu apanā padārtha .... nimitta to prabal hotā hai, gurukā aur devakā, parantu andar-se... svayam apane aparādhase anādi kāl-se paribhramaṇ kiyā, vibhāv pariṇatimen rukā, usake kāraṇ janma-maraṇ hue. vah svayam apane-se hī aṭakā hai. usamen karma to mātra nimitta hai. karma koī jabarajastī jabaran karavātā nahīn, svayam svatantra hai. vaise puruṣhārtha karanemen bhī svayam svatantra hai. svayam apane puruṣhārtha-se palaṭe, use gurun jo batāyā hai, use grahaṇ karake yadi svayam palaṭe to ho sake aisā hai.
shāstramen ātā hai na ki pānī malin ho, use katakaphal, koī auṣhadhi-se nirmal karanemen ātā hai, vah apane puruṣhārtha-se (karatā hai). vaise ātmā bhī svayam puruṣhārtha karake antaramen, auṣhadhi arthāt svayam apane gnān-se, gnānarūp auṣhadhiko apane puruṣhārtha- se jo nirmal, ātmā svabhāv-se to nirmal hī hai, parantu gnānase usakī barābar pahichān karake ye gnān bhinna hai aur vibhāv bhinna hai, use apane puruṣhārtha-se bhinna kare to bhinna ho sake aisā hai. svabhāv-se to nirmal hai, parantu pragaṭ paryāyamen nirmal apane puruṣhārtha-se hotā hai.
vah svayam hī usase bhinna paḍatā hai, bhedagnān karatā hai, svānubhūti karatā hai, vah sab vahī karatā hai. apaneko jarūrat lage to palaṭatā hai. mujhe ātmā hī chāhiye, ātmākī svānubhūti aur ātmākā svabhāv jo gnān, ānandādi ananta guṇon-se bharapūr hai, vahī mujhe chāhiye. aisī yadi apaneko jarūrat lage to vah svayam hī palaṭ jātā hai. to vah bāharamen aṭak nahīn sakatā. usako khudako jarūrat lage to svayam hī palaṭatā hai aur vah apane puruṣhārtha-se hī ho sake aisā hai. koī use jabaran karavātā nahī̃n. svayam kare to ho sake aisā hai.
mumukṣhuḥ- vah kaisā puruṣhārtha chāhiye? aisī jāgr̥uti use kaise āye?
samādhānaḥ- andaramen aisī jāgr̥uti ho ki main yah chaitanya hūn̐ aur yah nahīn hū̃n. apanā chaitanyatattva hai use grahaṇ kare, ye sharīrādi par ūpar apanī buddhi hai, bāharamen main-main ho rahā hai, usamen-se ahampanā chhoḍakar chaitanya so main hūn̐, yah main nahīn hūn̐, aise