320 svayam chaitanya taraph aisī dr̥uṣhṭi kare, apanā sahaj astitva grahaṇ kare, aisā puruṣhārtha kare to ho. use grahaṇ karake bhī use bārambār, kṣhaṇ-kṣhaṇamen bhedagnānakī dhārā puruṣhārtha-se pragaṭ kare to ho. pratīt-se nirṇay kare ki yah gnānasvabhāv hai vahī main hū̃n. phir usakā bārambār bhedagnān karake ugratā karake bhinna paḍe to apane-se ho aisā hai.
gurudevane to bahut batāyā hai. kisī bhī jagah aṭake binā, pūrṇarūp-se, kahīn bhī ruchi na rahe, ek ātmāmen hī ruchi sarva prakār-se rahe to hotā hai. har jagah-se ruchi chhūṭ jāya. kahīn ras na rahe, har jagah-se ruchi chhūṭ jāya. ek chaitanya taraph hī ruchi, chaitanya hī grahaṇ ho, chaitanya hī ādaraṇīy rakhe, kahīn ruke nahīn, kahīn use ruchi lage nahīn, sarvāṅg sarva prakār-se ruchi chhūṭ jāy aur chaitanyakī hī ruchi lage to ho. phir vibhāvamen khaḍā ho, parantu use sab ruchi chhūṭ jātī hai.