2 maraN karate-karate bAhar kriyAme.n ruk jAtA hai, kahA.N-kahA.N ruk jAtA hai. muktikA mArga to bhItarame.n hai aur svAnubhUti Ananda AtmAme.n-se pragaT hotA hai, bAhar-se to AtA nahI.n. isaliye bhItarame.n jAtA hai to bhItarame.n-se chaitanyadev prakAshamAn hotA hai, vah bAhar- se nahI.n hotA hai.

mumukShuH- mAteshvarI! ye vachanAmR^itame.n AyA hai ki ruchi anuyAyI vIrya hai aur ham sab isIliye yahA.N Aye hai.n aur Ate rahate hai.n, phir bhI hamArA sahI dishAme.n ... kyo.n nahI.n chalatI hai?

samAdhAnaH- yahA.N ruchi hotI hai, lekin puruShArtha nahI.n hotA hai. ruchi to hotI hai, lekin us jAtakA puruShArtha honA chAhiye. puruShArtha manda hai. ruchi, AtmAkI ruchi karanA. jo AtmA hai usako pahachAnanA. usake pIChe prayatna, bAra.nbAr prayatna karanA chAhiye. ruchikI tIvratA karanI chAhiye. kahI.n chain na paDe, mai.n AtmA hU.N, mai.n AtmA hU.N, kahI.n chain na paDe, vibhAvame.n chain nahI.n paDanA chAhiye aur bhItarame.n chaitanyame.n bAra.nbAr dR^iShTi, upayog bAra.nbAr us taraph jAnA chAhiye. to puruShArtha karane-se pragaT hotA hai.

jaise sphaTik nirmal hai, jal nirmal hai, vaise AtmA nirmal hI hai. par taraph dR^iShTi, upayog jAtA hai to usame.n malinatA dikhaneme.n AtI hai. bhItarame.n to malinatA hai nahI.n, to bhItarame.n jo jAtA hai ki mai.n shuddha hU.N, to shuddhAtmA taraph jAne-se shuddha paryAy pragaT hotI hai. bAharame.n upayog dene-se ashuddha paryAy pragaT hotI hai.

mumukShuH- vachanAmR^itame.n AyA hai ki j~nAyakake lakShya-se tamAm laukik kArya karanA. khAte-pIte, uThate-baiThate j~nAyakakA lakShya karanA. thoDA-sA spaShTa kIjiye.

samAdhAnaH- khAte-pIte (har vakta) ek j~nAyakakA hI (lakShya rakhanA). usame.n ekatva nahI.n honA. mai.n j~nAyak hU.N, j~nAyak hU.N, yah pahale to abhayAsarUp-se hotA hai. yathArtha pariNati j~nAn honeke bAd j~nAnIko yathArtha pariNati hotI hai. usako khAte-pIte usakI bhedaj~nAnakI dhArA rahatI hai, mai.n j~nAyak hU.N, j~nAyak hU.N. pahale to abhyAs rahatA hai khAtA- pIte ki mai.n j~nAyak hU.N. ye khAnekA svabhAv merA nahI.n hai, ye sharIr bhI merA svabhAv nahI.n hai, merA tattva nahI.n hai, mai.n to bhinna tattva hU.N. aur vibhAv bhI merA svabhAv nahI.n hai. isaliye khAte-pIte, chalate-phirate, sote sabame.n mai.n j~nAyak hU.N, aisA abhyAs karanA chAhiye.

j~nAnIkI to aisI sahaj dashA rahatI hai. khAte-pIte, sote, svapname.n j~nAyak hU.N, aisI j~nAyakakI pariNati-bhedaj~nAnakI dhArA usako nira.ntar chalatI rahatI hai. usame.n truT nahI.n paDatI. pahale to usakA abhyAs hotA hai ki mai.n j~nAyak hU.N, j~nAyak hU.N. aise raTan karane mAtra nahI.n parantu bhItarame.n aisI taiyArI honI chAhiye ki mai.n j~nAyak hU.N.