gauN) karaneme.n AtA hai. parantu vyavahArame.n to kevalaj~nAnakI kaivalya dashA, vItarAg sarvaj~nadev (hai.n). sAdhak dashA jisane puruShArtha karake pragaT kI, vah sab pUjanik kahaneme.n AtA hai. muni dashA pUjanik kahaneme.n AtI hai. ataH dR^iShTi aur j~nAn dono.n sAthame.n hI hote hai.n. akelI dR^iShTi ho aur j~nAn yadi vivek na kare to vah dR^iShTi jUThI ThaharegI.
dR^iShTikA viShay aisA hai ki ek par, ekako viShay kare. aur j~nAn sab vivek kare. aur dR^iShTi binAkA j~nAn bhI yathArtha nahI.n hai. dR^iShTi mukhya ho, parantu usake sAth j~nAn ho to un dono.nkA sambandha hai. yadi akelA hogA to galat hogA. dR^iShTime.n kUTastha AyA isaliye vah sachchA aur j~nAname.n katha.nchit pariNAmI aur apariNAmI AyA, isaliye vah jUThA, aisA nahI.n hai.
kUTastha to (isaliye kahate hai.n ki), dR^iShTi muktike mArgame.n mukhya hai isaliye. tUne anAdi kAl-se yah sachchA aur yah sachchA, yah bhI sachchA aur yah bhI sachchA, aisA kiyA aur yathArtha samajhA nahI.n, isaliye us pramANako aisA kahaneme.n AtA hai. parantu dR^iShTipUrvakakA jo pramANaj~nAn hai vah to yathArtha hai. dR^iShTine viShay kiyA akhaNDakA, akhaNDakI dR^iShTi binA muktikA mArga hotA nahI.n. parantu sAthame.n jo j~nAn rahatA hai, vah dono.nkA- dravya aur paryAyakA vivek karatA hai. isaliye vah pramAN bhI yathArtha hai. usake pahalekA pramAN koI aisA kahatA ho ki nishchay sachchA aur vyavahAr bhI sachchA, aisA karatA ho to vah yathArtha nahI.n hai. parantu dR^iShTipUrvakakA j~nAn hai vah yathArtha hai.
mumukShuH- rAg-dveSh hote hai.n, vah na ho usakA upAy batAIye.
samAdhAnaH- rAg-dveSh na ho,.. pahale usakA bhedaj~nAn karanA paDatA hai. jabatak vah rAgakI dashAme.n khaDA hai, usakI rAgakI ruchi kam ho jAnI chAhiye. merA vItarAgI svabhAv mai.n jAnanevAlA hU.N. ye rAg merA svarUp nahI.n hai. aur chaitanyakA j~nAyak svabhAv hai vah merA svabhAv hai. aise svabhAvako pahachAnakar rAgakI ruchi kam kare to vah manda hotA hai. bAkI usakA nAsh pahale nahI.n hotA, pahale usakA bhedaj~nAn hotA hai ki ye rAg merA svabhAv nahI.n hai, mai.n usase bhinna jAnanevAlA, mai.n vItarAgI svabhAv hU.N. isaliye use bhinna karanekA prayatna kare. bhinna karanekA prayatna kare to vah manda hotA hai. pahale usakA bhedaj~nAn karanekA prayatna karanA ki mai.n j~nAyak hU.N aur ye rAg-dveSh hai.n. usakI ekatvabuddhi toDanekA prayatna karanA.
mumukShuH- dUsarA prashna hai ki svAdhyAy karane baiThe to thoDI der man pirotA hai, parantu bIchame.n dUsare vikalpa Ate hai.n, to vah vikalpa na Aye usakA upAy kyA hai?
samAdhAnaH- use badalate rahanA bAra.nbAr, vikalpa Aye use (badalakar) bAra.nbAr svAdhyAyame.n chitta lagAnA. anAdikA abhyAs hai isaliye dUsare vikalpa A jAy to