[ ૧૬૮ ]
૭. વિદેહવાસી કહાનગુરુ
વિદેહવાસી કહાનગુરુ ભરતે પધાર્યા રે,
સુવર્ણપુરીમાં નિત્યે ચૈતન્યરસ વરસ્યા રે;
ઉજમબાના નંદ અહો! આંગણે પધાર્યા રે;
અમ અંતરિયામાં હર્ષ ઊભરાયા રે.
સુવર્ણપુરીમાં નિત્યે ચૈતન્યરસ વરસ્યા રે;
ઉજમબાના નંદ અહો! આંગણે પધાર્યા રે;
અમ અંતરિયામાં હર્ષ ઊભરાયા રે.
આવો પધારો મારા સદ્ગુરુદેવા; શી શી કરું તુજ ચરણોની સેવા.
વિધવિધ રત્નોના થાળ ભરાવું રે,
વિધવિધ ભક્તિથી ગુરુને વધાવું રે.....વિદેહ૦ ૧.
વિધવિધ ભક્તિથી ગુરુને વધાવું રે.....વિદેહ૦ ૧.
દિવ્ય અચરજકારી ગુરુ અહો! જાગ્યા; પ્રભાવશાળી સંત અજોડ પધાર્યા.
વાણીની બંસરીથી બ્રહ્માંડ ડોલે રે,
ગુરુ – ગુણગીતો ગગનમાંહી ગાજે રે.....વિદેહ૦ ૨.
ગુરુ – ગુણગીતો ગગનમાંહી ગાજે રે.....વિદેહ૦ ૨.
શ્રુતાવતારી અહો! ગુરુજી અમારા; અગણિત જીવોનાં અંતર ઉજાળ્યાં.
સત્ય ધરમના આંબા રૂડા રોપ્યા રે,
સાતિશય ગુણધારી ગુરુ ગુણવંતા રે.....વિદેહ૦ ૩.
સાતિશય ગુણધારી ગુરુ ગુણવંતા રે.....વિદેહ૦ ૩.
કામધેનુ કલ્પવૃક્ષ અહો! ફળિયાં; ભાવિ તણા ભગવંત મુજ મળિયા.
અનુપમ ધર્મધોરી ગુરુ ભગવંતા રે,
નિશદિન હોજો તુજ ચરણોની સેવા રે.....વિદેહ૦ ૪.
નિશદિન હોજો તુજ ચરણોની સેવા રે.....વિદેહ૦ ૪.
✽