-
88 ] [ mokShamArgaprakAshak
samAdhAn : — vah ho to vah ho — is apekShA kAraNakAryapanA hotA hai. jaise — dIpak
aur prakAsh yugapat hote hain; tathApi dIpak ho to prakAsh ho, isaliye dIpak kAraN hai
prakAsh kArya hai. usI prakAr gnAn — shraddhAnake hai. athavA mithyAdarshan-mithyAgnAn ke va
samyagdarshan-samyaggnAnake kAraN-kAryapanA jAnanA.
phi ra prashna hai ki — mithyAdarshanake sanyogase hI mithyAgnAn nAm pAtA hai, to ek
mithyAdarshanako hI sansArakA kAraN kahanA thA, mithyAgnAnako alag kisaliye kahA?
samAdhAn : — gnAnakI hI apekShA to mithyAdRuShTi aur samyagdRuShTike kShayopashamase hue yathArtha
gnAnamen kuchh visheSh nahIn hai tathA vah gnAn kevalagnAnamen bhI jA milatA hai, jaise nadI samudramen
milatI hai. isaliye gnAnamen kuchh doSh nahIn hai. parantu kShayopasham gnAn jahAn lagatA hai vahAn
ek gneyamen lagatA hai; aur is mithyAdarshanake nimittase vah gnAn anya gneyomen to lagatA hai,
parantu prayojanabhUt jIvAdi tattvonkA yathArtha nirNay karanemen nahIn lagatA. so yah gnAnamen doSh
huA; ise mithyAgnAn kahA. tathA jIvAdi tattvonkA yathArtha shraddhAn nahIn hotA so yah shraddhAnamen
doSh huA; ise mithyAdarshan kahA. aise lakShaNabhedase mithyAdarshan, mithyAgnAnako bhinna kahA.
is prakAr mithyAgnAnakA svarUp kahA. isIko tattvagnAnake abhAvase agnAn kahate
hain aur apanA prayojan nahIn sAdhatA, isaliye isIko kugnAn kahate hain.
mithyAchAritrakA svarUp
ab mithyAchAritrakA svarUp kahate hain — chAritramohake udayase jo kaShAyabhAv hotA hai
usakA nAm mithyAchAritra hai. yahAn apane svabhAvarUp pravRutti nahIn hai, jhUThI par-svabhAvarUp
pravRutti karanA chAhatA hai so banatI nahIn hai; isaliye isakA nAm mithyAchAritra hai.
vahI batalAte hain — apanA svabhAv to dRuShTA-gnAtA hai; so svayam keval dekhanevAlA-
jAnanevAlA to rahatA nahIn hai, jin padArthonko dekhatA-jAnatA hai unamen iShTa-aniShTapanA mAnatA
hai, isaliye rAgI-dveShI hokar kisIkA sadbhAv chAhatA hai, kisIkA abhAv chAhatA hai, parantu
unakA sadbhAv yA abhAv isakA kiyA huA hotA nahIn, kyonki koI dravya kisI dravyakA
karttA-harttA hai nahIn, sarva dravya apane-apane svabhAvarUp pariNamit hote hain; yah vRuthA hI
kaShAyabhAvase Akulit hotA hai.
tathA kadAchit jaisA yah chAhe vaisA hI padArtha pariNamit ho to vah apane pariNamAnese
to pariNamit huA nahIn hai. jaise gADI chalatI hai; aur bAlak use dhakkA dekar aisA mAne