-
pAnchavAn adhikAr ][ 99
ghaTapaTAdikako aur AkAshako ek hI kahen to kaise banegA? usI prakAr lokako aur brahmako
ek mAnanA kaise sambhav hai. tathA AkAshakA lakShaN to sarvatra bhAsit hai, isaliye usakA
to sarvatra sadbhAv mAnate hain; brahmakA lakShaN to sarvatra bhAsit nahIn hotA, isaliye usakA
sarvatra sadbhAv kaise mAnen. is prakArase bhI sarvarUp brahma nahIn hai.
aisA vichAr karane par kisI bhI prakArase ek brahma sambhavit nahIn hai. sarva padArtha
bhinna - bhinna hI bhAsit hote hain.
yahAn prativAdI kahatA hai ki — sarva ek hI hai, parantu tumhen bhram hai, isaliye tumhen ek
bhAsit nahIn hotA. tathA tumane yukti kahI so brahmakA svarUp yuktigamya nahIn hai, vachan-agochar
hai. ek bhI hai; anek bhI hai; bhinna bhI hai, milA bhI hai. usakI mahimA aisI hI hai.
usase kahate hain ki — pratyakSha tujhako va hamako va sabako bhAsit hotA hai use to
tU bhram kahatA hai. aur yuktise anumAn karen so tU kahatA hai ki sachchA svarUp yuktigamya
hai hI nahIn. tathA vah kahatA hai — sachchA svarUp vachan-agochar hai to vachan binA kaise nirNay
karen? tathA kahatA hai — ek bhI hai, anek bhI hai; bhinna bhI hai, milA bhI hai; parantu unakI
apekShA nahIn batalAtA; bAvalekI bhAnti aise bhI hai, aise bhI hai — aisA kahakar isakI mahimA
batalAtA hai. parantu jahAn nyAy nahIn hotA vahAn jhUThe aisA hI vAchAlapanA karate hain so karo,
nyAy to jis prakAr satya hai usI prakAr hogA.
sRuShTikarttAvAdakA nirAkaraN
tathA ab, brahmako lokakA karttA mAnatA hai use mithyA dikhalAte hain.
pratham to aisA mAnatA hai ki brahmako aisI ichchhA huI ki — ‘ekohan bahusyAn’ arthAt
main ek hUn so bahut hoUngA.
vahAn pUchhate hain — pUrva avasthAmen dukhI ho tab anya avasthAko chAhe. so brahmane ek
avasthAse bahutarUp honekI ichchhA kI to us ekarUp avasthAmen kyA dukh thA? tab vah
kahatA hai ki dukh to nahIn thA, aisA hI kautUhal utpanna huA. use kahate hain — yadi pahale
thoDA sukhI ho aur kautUhal karanese bahut sukhI ho to kautUhal karanekA vichAr kare.
so brahmako ek avasthAse bahut avasthArUp hone par bahut sukh honA kaise sambhav hai? aur
yadi pUrva sampUrNa sukhI ho to avasthA kisaliye palaTe? prayojan binA to koI kuchh karttavya
karatA nahIn hai.