-
pAnchavAn adhikAr ][ 107
isaliye aisA bhI nahIn banatA.
tathA ajIvommen suvarNa, sugandhAdi sahit vastuen banAIn so to ramaN karaneke artha banAyIn;
kuvarNa, durgandhAdi sahit vastuen dukhadAyak banAIn so kis artha banAIn? inake darshanAdise
brahmAko kuchh sukh to nahIn utpanna hotA hogA. tathA tU kahegA pApI jIvonko dukh deneke
artha banAIn; to apane hI utpanna kiye jIv unase aisI duShTatA kisaliye kI, jo unako
dukhadAyak sAmagrI pahale hI banAI? tathA dhUl, parvatAdi kuchh vastuen aisI bhI hain jo ramaNIy
bhI nahIn hain aur dukhadAyak bhI nahIn hain — unhen kis artha banAyA? svayamev to jaisI-taisI
hI hotI hain aur banAnevAlA jo banAye vah to prayojan sahit hI banAtA hai; isaliye brahmAko
sRuShTikA kartA kaise kahA jAtA hai?
tathA viShNuko lokakA rakShak kahate hain. rakShak ho vah to do hI kArya karatA hai —
ek to dukh utpattike kAraN nahIn hone detA aur ek vinaShTa honeke kAraN nahIn hone detA.
so lokamen to dukhako hI utpattike kAraN jahAn-tahAn dekhe jAte hain aur unase jIvonko dukh
hI dekhA jAtA hai. kShudhA-tRuShAdi lag rahe hain, shIt-uShNAdikase dukh hotA hai, jIv paraspar
dukh utpanna karate hain, shastrAdi dukhake kAraN ban rahe hain, tathA vinaShTa honeke anek kAraN
ban rahe hain. jIvonkI rogAdik va agni, viSh, shastrAdik paryAyake nAshake kAraN dekhe jAte
hain, tathA ajIvonke bhI paraspar vinaShTa honeke kAraN dekhe jAte hain. so aise donon prakArakI
hI rakShA nahIn kI to viShNune rakShak hokar kyA kiyA?
vah kahatA hai — viShNu rakShak hI hai. dekho kShudhA-tRuShAdikake artha anna-jalAdik banAye
hain; kIDIko kaN aur kunjarako man pahunchatA hai, sankaTamen sahAyatA karatA hai. mRutyuke kAraN
upasthit hone par bhI ✽
TiTaharIkI bhAnti ubAratA hai — ityAdi prakArase viShNu rakShA karatA hai.
usase kahate hain — aisA hai to jahAn jIvonko kShudhA-tRuShAdik pIDit karate hain aur anna-jalAdik
nahIn milate, sankaT paDane par sahAy nahIn hotI, kinchit kAraN pAkar maraN ho jAtA hai,
vahAn viShNukI shakti hIn huI yA use gnAn hI nahIn huA? lokamen bahut to aise hI dukhI
hote hain, maraN pAte hain; viShNune rakShA kyon nahIn kI?
tab vah kahatA hai — yah jIvonke apane karttavyakA phal hai. tab usase kahate hain
✽
ek prakArakA pakShI jo ek samudrake kinAre rahatA thA. samudra usake aNDe bahA le jAtA thA. usane
dukhI hokar garuD pakShI dvArA viShNuse prArthanA kI to unhonne samudrase aNDe dilavA diye. aisI purANommen
kathA hai.