-
108 ] [ mokShamArgaprakAshak
ki — jaise shaktihIn lobhI jhUThA vaidya kisIkA kuchh bhalA ho to kahatA hai merA kiyA huA
hai; aur jahAn burA ho, maraN ho, tab kahatA hai isakI aisI hI honahAr thI. usI prakAr
tU kahatA hai ki bhalA huA vahAn to viShNukA kiyA huA aur burA huA so isake karttavyakA
phal huA. is prakAr jhUThI kalpanA kisaliye karen? yA to burA va bhalA donon viShNuke
kiye kaho, yA apane karttavyakA phal kaho. yadi viShNukA kiyA huA kaho to bahut jIv
dukhI aur shIghra marate dekhe jAte hain so aisA kArya kare use rakShak kaise kahen? tathA apane
karttavyakA phal hai to karegA so pAyegA, viShNu kyA rakShA karegA?
tab vah kahatA hai — jo viShNuke bhakta hain unakI rakShA karatA hai. usase kahate hain
ki — yadi aisA hai to kIDI, kunjar Adi bhakta nahIn hain unako annAdik pahunchAnemen va sankaT
men sahAy honemen va maraN na honemen viShNukA karttavya mAnakar sarvakA rakShak kisaliye mAnatA
hai, bhaktonkA hI rakShak mAna. so bhaktonkA bhI rakShak nahIn dIkhatA, kyonki abhakta bhI bhakta
puruShonko pIDA utpanna karate dekhe jAte hain.
tab vah kahatA hai — kaI jagah prahlAdAdikakI sahAy kI hai. usase kahate hain —
jahAn sahAy kI vahAn to tU vaisA hI mAn; parantu ham to pratyakSha mlechchha musalamAn Adi
abhakta puruShon dvArA bhakta puruShonko pIDit hote dekh va mandirAdiko vighna karate dekhakar pUchhate
hain ki yahAn sahAy nahIn karatA, so shakti nahIn hai yA khabar hI nahIn hai. yadi shakti nahIn
hai to inase bhI hInashaktikA dhArak huA. khabar bhI nahIn hai to jise itanI bhI khabar
nahIn hai so agnAn huA.
aur yadi tU kahegA — shakti bhI hai aur jAnatA bhI hai; parantu ichchhA aisI hI huI,
to phi ra bhaktavatsal kisaliye kahatA hai?
is prakAr viShNuko lokakA rakShak mAnanA nahIn banatA.
phi ra ve kahate hain — mahesh sanhAr karatA hai. so usase pUchhate hain ki — pratham to mahesh
sanhAr sadA karatA hai yA mahApralay hotA hai tabhI karatA hai. yadi sadA karatA hai to jis
prakAr viShNukI rakShA karanese stuti kI; usI prakAr usakI sanhAr karanese nindA karo, kyonki
rakShA aur sanhAr pratipakShI hain.
tathA yah sanhAr kaise karatA hai? jaise puruSh hastAdise kisIko mAre yA kahakar marAye;
usI prakAr mahesh apane angonse sanhAr karatA hai yA AgnAse marAtA hai? tab kShaN-kShaNamen sanhAr
to bahut jIvonkA sarvalokamen hotA hai, yah kaise-kaise angonse va kis-kisako AgnA dekar