-
pAnchavAn adhikAr ][ 135
binA kisake huA? jo sarva kShetra-kAlakI jAne vahI sarvagna, aur nahIn jAnatA to niShedh
kaise karatA hai?
tathA dharma-adharma lokamen prasiddha hain. yadi ve kalpit hon to sarvajan-suprasiddha kaise
hote? tathA dharma-adharmarUp pariNati hotI dekhI jAtI hai, usase vartamAnamen hI sukhI-dukhI hote
hain; inhen kaise na mAnen? aur mokShakA honA anumAnamen AtA hai. krodhAdik doSh kisIke
hIn hain, kisIke adhik hain; to mAlUm hotA hai kisIke inakI nAsti bhI hotI hogI.
aur gnAnAdi guN kisIke hIn, kisIke adhik bhAsit hote hain; isaliye mAlUm hotA hai
kisIke sampUrNa bhI hote honge. isaprakAr jisake samasta doShakI hAni, guNonkI prApti ho;
vahI mokSha-avasthA hai.
tathA puNya-pApakA phal bhI dekhate hain. koI udyam karane par bhI daridrI rahatA hai,
kisIke svayamev lakShmI hotI hai; koI sharIrakA yatna karane par bhI rogI rahatA hai, kisIke
binA hI yatna nirogatA rahatI hai — ityAdi pratyakSha dekhA jAtA hai; so isakA kAraN koI
to hogA? jo isakA kAraN vahI puNya-pAp hai.
tathA paralok bhI pratyakSha-anumAnase bhAsit hotA hai. vyantarAdi hain ve aisA kahate dekhe
jAte hain — ‘‘main amuk thA so dev huA hUn.’’ tathA tU kahegA — ‘‘yah to pavan hai’’; so
ham to ‘‘main hUn’’ ityAdi chetanAbhAv jisake Ashrayase pAye jAte hain usIko AtmA kahate hain,
tU usakA nAm pavan kahatA hai. parantu pavan to bhInt Adise aTakatI hai, AtmA mundA
(banda) hone par bhI aTakatA nahIn hai; isaliye pavan kaise mAnen?
tathA jitanA indriyagochar hai utanA hI lok kahatA hai; parantu tere indriyagochar to
thoDe se bhI yojan dUravartI kShetra aur thoDA-sA atIt-anAgat kAl — aise kShetra-kAlavartI bhI
padArtha nahIn ho sakate, aur dUr deshakI va bahut kAlakI bAten paramparAse sunate hI hain; isaliye
sabakA jAnanA tere nahIn hai, tU itanA hI lok kis prakAr kahatA hai?
tathA chArvAkamatamen kahate hain ki — pRithvI, ap, tej, vAyu, AkAsh milanese chetanA
ho AtI hai. so marane par pRithvI Adi yahAn rahe, chetanAvAn padArtha gayA to vyantarAdi huA;
jo pratyakSha bhinna-bhinna dekhe jAte hain. tathA ek sharIramen pRithvI Adi to bhinna-bhinna bhAsit
hote hain, chetanA ek bhAsit hotI hai. yadi pRithvI Adike AdhArase chetanA ho to hAD,
rakta, uchchhvAsAdikake alag-alag chetanA hogI. tathA hAth Adiko kATane par jis prakAr
usake sAth varNAdik rahate hain, usI prakAr chetanA bhI rahegI. tathA ahankAr, buddhi to chetanAke
hain, so pRithvI AdirUp sharIr to yahAn hI rahA, tab vyantarAdi paryAyamen pUrvaparyAyakA ahampanA