-
136 ] [ mokShamArgaprakAshak
dekhA jAtA hai so kis prakAr hotA hai? tathA pUrvaparyAyake gupta samAchAr pragaT karate hain,
so yah jAnanA kisake sAth gayA? jisake sAth jAnanA gayA vahI AtmA hai.
tathA chArvAkamatamen khAnA, pInA, bhog-vilAs karanA ityAdi svachchhanda vRuttikA upadesh
hai; parantu aise to jagat svayamev hI pravartatA hai. vahAn shAstrAdi banAkar kyA bhalA honekA
upadesh diyA? tU kahegA — tapashcharaN, shIl, sanyamAdi chhuDAneke artha upadesh diyA; to in
kAryommen to kaShAy ghaTanese AkulatA ghaTatI hai, isaliye yahIn sukhI honA hotA hai, tathA yash
Adi hotA hai; tU inako chhuDAkar kyA bhalA karatA hai? viShayAsakta jIvonko suhAtI bAten
kahakar apanA va auronkA burA karanekA bhay nahIn hai; svachchhanda hokar viShayasevanake artha aisI
yukti banAtA hai.
is prakAr chArvAkamatakA nirUpaN kiyA.
anyamat nirAkaraN upasanhAr
isI prakAr anya anek mat hain ve jhUThI kalpit yukti banAkar viShay-kaShAyAsakta
pApI jIvon dvArA pragaT kiye gaye hain; unake shraddhAnAdik dvArA jIvonkA burA hotA hai. tathA
ek jinamat hai so hI satyArthakA prarUpak hai, sarvagna – vItarAgadev dvArA bhAShit hai; usake
shraddhAnAdikase hI jIvonkA bhalA hotA hai.
aise jinamatamen jIvAdi tattvonkA nirUpaN kiyA hai; pratyakSha-parokSha do pramAN kahe hain;
sarvagnavItarAg arhantadev hain; bAhya-abhyantar parigraharahit nirgrantha guru hain. inakA varNan is granthamen
Age visheSh likhenge so jAnanA.
yahAn koI kahe — tumhAre rAg-dveSh hai, isaliye tum anyamatakA niShedh karake apane
matako sthApit karate ho?
usase kahate hain — yathArtha vastukA prarUpaN karanemen rAg-dveSh nahIn hai. kuchh apanA
prayojan vichArakar anyathA prarUpaN karen to rAg-dveSh nAm pAye.
phi ra vah kahatA hai — yadi rAg-dveSh nahIn hai to anyamat bure aur jainamat bhalA aisA
kis prakAr kahate ho? sAmyabhAv ho to sabako samAn jAno, matapakSha kisaliye karate ho?
usase kahate hain — bureko burA kahate hain, bhaleko bhalA kahate hain; isamen rAg-dveSh kyA
kiyA? tathA bure-bhale ko samAn jAnanA to agnAnabhAv hai; sAmyabhAv nahIn hai.
phi ra vah kahatA hai ki — sarva matonkA prayojan to ek hI hai, isaliye sabako samAn
jAnanA?