-
238 ] [ mokShamArgaprakAshak
vichAr nahIn karate. aur phal lagatA hai so abhiprAyamen jo vAsanA hai usakA lagatA hai.
isakA visheSh vyAkhyAn Age karenge. vahAn svarUp bhalIbhAnti bhAsit hogA.
aisI pahichAnake binA bAhya AcharaNakA hI udyam hai.
vahAn kitane hI jIv to kulakramase athavA dekhA-dekhI yA krodh, mAn, mAyA, lobhAdikase
AcharaN karate hain; unake to dharmabuddhi hI nahIn hai, samyakchAritra kahAnse ho? un jIvommen
koI to bhole hain va koI kaShAyI hain; so agnAnabhAv va kaShAy hone par samyakchAritra nahIn
hotA.
tathA kitane hI jIv aisA mAnate hain ki jAnanemen kyA hai, kuchh karenge to phal lagegA.
aisA vichArakar vrat-tap Adi kriyAke hI udyamI rahate hain aur tattvagnAnakA upAy nahIn karate.
so tattvagnAnake binA mahAvratAdikA AcharaN bhI mithyAchAritra hI nAm pAtA hai aur tattvagnAn
hone par kuchh bhI vratAdik nahIn hain tathApi asanyatasamyagdRuShTi nAm pAtA hai. isaliye pahale
tattvagnAnakA upAy karanA, pashchAt kaShAy ghaTAneke liye bAhyasAdhan karanA. yahI yogIndradevakRut
shrAvakAchAramen
1 kahA hai —
‘‘dansaNabhUmih bAhirA, jiy vayarukkha Na hunti.’’
artha — is samyagdarshan bhUmikA binA he jIv! vratarUpI vRukSha nahIn hote, arthAt jin
jIvonke tattvagnAn nahIn hai ve yathArtha AcharaN nahIn Acharate.
vahI visheSh batalAte hain : —
kitane hI jIv pahale to baDI pratignA dhAraN kar baiThate hain; parantu antarangamen viShay-
kaShAy vAsanA miTI nahIn hai, isaliye jaise-taise pratignA pUrI karanA chAhate hain. vahAn us pratignAse
pariNAm dukhI hote hain. jaise — koI bahut upavAs kar baiThatA hai aur pashchAt pIDAse dukhI
huA rogIkI bhAnti kAl gamvAtA hai, dharma sAdhan nahIn karatA; to pratham hI sadhatI jAne utanI
hI pratignA kyon na le? dukhI honemen ArtadhyAn ho, usakA phal achchhA kaise lagegA? athavA
us pratignAkA dukh nahIn sahA jAtA tab usake badale viShay-poShaNake liye anya upAy karatA
hai. jaise — tRuShA lage tab pAnI to na piye aur anya shItal upachAr anek prakAr kare,
va ghRut to chhoDe aur anya snigdha vastukA upAy karake bhakShaN kare. — isIprakAr anya
jAnanA.
1. sAvayadhamma, dohA 57