-
sAtavAn adhikAr ][ 247
mAnatA hai; tathA jinase sukh-dukhakA honA mAnA jAye unamen iShTa-aniShTa buddhise rAg-dveSharUp
abhiprAyakA abhAv nahIn hotA; aur jahAn rAg-dveSh hain vahAn chAritra nahIn hotA. isaliye yah
dravyalingI viShayasevan chhoDakar tapashcharaNAdi karatA hai tathApi asanyamI hI hai. siddhAntamen asanyat
va deshasanyat samyagdRuShTise bhI ise hIn kahA hai; kyonki unake chauthA-pAnchavAn guNasthAn hai aur
isake pahalA hI guNasthAn hai.
yahAn koI kahe ki asanyat va deshasanyat samyagdRuShTike kaShAyonkI pravRutti visheSh hai aur
dravyalingI munike thoDI hai; isIse asanyat va deshasanyat samyagdRuShTi to solahaven svargaparyanta hI
jAte hain aur dravyalingI antim graiveyakaparyanta jAtA hai. isaliye bhAvalingI munise to
dravyalingIko hIn kaho, use asanyat va deshasanyat samyagdRuShTise hIn kaise kahA jAy?
samAdhAna — asanyat va deshasanyat samyagdRuShTike kaShayonkI pravRutti to hai; parantu shraddhAnamen
kisI bhI kaShAyake karanekA abhiprAy nahIn hai. tathA dravyalingIke shubhakaShAy karanekA abhiprAy
pAyA jAtA hain, shraddhAnamen unhen bhalA jAnatA hai; isaliye shraddhAnakI apekShA asanyat samyagdRuShTise
bhI isake adhik kaShAy hai.
tathA dravyalingIke yogonkI pravRutti shubharUp bahut hotI hai aur aghAtikarmommen puNya-
pApabandhakA visheSh shubh-ashubh yogonke anusAr hai, isaliye vah antim graiveyakaparyanta pahunchatA
hai; parantu vah kuchh kAryakArI nahIn hai, kyonki aghAtiyA karma AtmaguNake ghAtak nahIn hain,
unake udayase uchcha-nIchapad prApta kiye to kyA huA? ve to bAhya sanyogamAtra sansAradashAke
svAng hain; Ap to AtmA hai; isaliye AtmaguNake ghAtak jo ghAtiyAkarma hain unakI hInatA
kAryakArI hai.
un ghAtiyA karmonkA bandha bAhyapravRuttike anusAr nahIn hai, antarang kaShAyashaktike anusAr
hai; isaliye dravyalingIkI apekShA asanyat va deshasanyat samyagdRuShTike ghAtikarmonkA bandha thoDA hai.
dravyalingIke to sarva ghAtikarmonkA bandha bahut sthiti – anubhAg sahit hai aur asanyat va
deshasanyat samyagdRuShTike mithyAtva – anantAnubandhI Adi karmonkA to bandha hai hI nahIn, avasheShonkA
bandha hotA hai vah alpa sthiti – anubhAg sahit hotA hai. tathA dravyalingIke kadApi guNashreNI
nirjarA nahIn hotI, samyagdRuShTike kadAchit hotI hai aur desh va sakal sanyam hone par nirantar
hotI hai. isIse yah mokShamArgI huA hai. isaliye dravyalingI muniko shAstramen asanyat va
deshasanyat samyagdRuShTise hIn kahA hai.
samayasAr shAstramen dravyalingI munikI hInatA gAthA, TIkA aur kalashommen pragaT kI hai.