Moksha-Marg Prakashak-Hindi (English transliteration). Page: 18.

28 ] [ mokShamArgaprakAshak

tathA us kaShAy dvArA hI un karmaprakRitiyommen anubhAg shaktikA visheSh hotA hai.

vahAn jaisA anubhAgabandha ho vaisA hI udayakAlamen un prakRitiyonkA bahut yA thoDA phal utpanna
hotA hai. vahAn ghAti karmonkI sarvaprakRitiyommen tathA aghAti karmonkI pApaprakRitiyommen to alpa
kaShAy hone par alpa anubhAg bandhatA hai, bahut kaShAy hone par bahut anubhAg bandhatA hai;
tathA puNya-prakRitiyommen alpa kaShAy hone par bahut anubhAg bandhatA hai, bahut kaShAy hone par
thoDA anubhAg bandhatA hai.

is prakAr kaShAyon dvArA karmaprakRitiyonke sthiti — anubhAgakA visheSh huA; isaliye

kaShAyon dvArA sthitibandha, anubhAgabandhakA honA jAnanA.

yahAn jis prakAr bahut madirA bhI hai aur usamen thoDe kAlaparyanta thoDI unmattatA

utpanna karane kI shakti ho to vah madirA hInapaneko prApta hai, tathA yadi thoDI bhI madirA
hai aur usamen bahut kAlaparyanta bahut unmattatA utpanna karanekI shakti hai to vah madirA
adhikapaneko prApta hai; usI prakAr bahut bhI karmaprakRitiyon ke paramANu hain aur unamen thoDe
kAlaparyanta thoDA phal denekI shakti hai to ve karmaprakRitiyAn hInatAko prApta hain, tathA thoDe bhI
karmaprakRitiyonke paramANu hain aur unamen bahut kAlaparyanta bahut phal denekI shakti hai, to ve
karmaprakRitiyAn adhikapaneko prApta hain.

isalie yogon dvArA hue prakRitibandha – pradeshabandha balavAn nahIn hain, kaShAyon dvArA kiyA

gayA sthitibandha anubhAgabandha hI balavAn hai; isaliye mukhyarUpase kaShAyako hI bandhakA kAraN
jAnanA. jinhen bandha nahIn karanA ho ve kaShAy nahIn karen.

gnAnahIn jaD – pudgal paramANuonkA yathAyogya prakRitirUp pariNaman

ab yahAn koI prashna kare ki — pudgal paramANu to jaD hain; unhen kuchh gnAn nahIn

hain; to ve kaise yathAyogya prakRitirUp hokar pariNaman karate hain?

samAdhAna — jaise bhUkh hone par mukh dvArA grahaN kiyA huA bhojanarUp pudgalapiNDa

mAns, shukra, shoNit Adi dhAturUp pariNamit hotA hai. tathA us bhojanake paramANuommen
yathAyogya kisI dhAturUp thoDe aur kisI dhAturUp bahut paramANu hote hain. tathA unamen kaI
paramANuonkA sambandha bahut kAl rahatA hai, kaiyonkA thoDe kAl rahatA hai. tathA un
paramANuommen kaI to apane kAryako utpanna karanekI bahut shakti rakhate hain, kaI thoDI shakti
rakhate hain. vahAn aisA honemen koI bhojanarUp pudgalapiNDako gnAn to nahIn hai ki main is
prakAr pariNaman karUn tathA aur bhI koI pariNaman karAnevAlA nahIn hai; aisA hI nimitta-
naimittikabhAv ho rahA hai, usase vaise hI pariNaman pAyA jAtA hai.

< Previous Page Next Page >