-
36 ] [ mokShamArgaprakAshak
gnAn-darshanopayogAdikI pravRutti
is prakAr gnAn – darshanakA sadbhAv gnAnAvaraN, darshanAvaraNake kShayopashamake anusAr hotA
hai. jab kShayopasham thoDA hotA hai tab gnAn – darshanakI shakti thoDI hotI hai; jab bahut hotA
hai tab bahut hotI hai. tathA kShayopashamase shakti to aisI banI rahatI hai, parantu pariNaman dvArA
ek jIvako ek kAlamen ek viShayakA hI dekhanA aur jAnanA hotA hai. is pariNaman hI
kA nAm upayog hai. vahAn ek jIvako ek kAlamen yA to gnAnopayog hotA hai yA darshanopayog
hotA hai. tathA ek upayogake bhI ek bhedakI pravRutti hotI hai. jaise — matignAn ho tab anya
gnAn nahIn hotA. tathA ek bhedamen bhI ek viShayamen hI pravRutti hotI hai. jaise — sparshako jAnatA
hai tab rasAdikako nahIn jAnatA. tathA ek viShayamen bhI use kisI ek anggamen hI pravRutti hotI
hai. jaise — uShNa sparshako jAnatA hai tab rUkShAdikako nahIn jAnatA.
is prakAr ek jIvako ek kAlamen ek gney athavA dRushyamen gnAn athavA darshanakA
pariNaman jAnanA. aisA hI dikhAI detA hai. jab sunanemen upayog lagA ho tab netrake samIp
sthit bhI padArtha nahIn dIkhatA. is hI prakAr anya pravRutti dekhI jAtI hai.
tathA pariNamanamen shIghratA bahut hai. isase kisI kAlamen aisA mAn lete hain ki yugapat
bhI anek viShayonkA jAnanA tathA dekhanA hotA hai, kintu yugapat hotA nahIn hai, kramamen hI
hotA hai, sanskArabalase unakA sAdhan rahatA hai. jaise — kaueke netrake do golak hain, putalI
ek hai vah phi ratI shIghra hai, usase donon golakonkA sAdhan karatI hai; usI prakAr is jIvake
dvAr to anek hain aur upayog ek hai, vah phi ratA shIghra hai, usase sarva dvAronkA sAdhan
rahatA hai.
yahAn prashna hai ki — ek kAlamen ek viShayakA jAnanA athavA dekhanA hotA hai to
itanA hI kShayopasham huA kaho, bahut kyon kahate ho? aur tum kahate ho ki kShayopashamase
shakti hotI hai, to shakti to AtmAmen kevalagnAn – darshanakI bhI pAI jAtI hai.
samAdhAna — jaise kisI puruShake bahut grAmommen gaman karanekI shakti hai. tathA use kisIne
rokA aur yah kahA ki pAnch grAmommen jAo, parantu ek dinamen ek grAmako jAo. vahAn us
puruShake bahut grAm jAnekI shakti to dravya-apekShA pAI jAtI hai; anya kAlamen sAmarthya ho, parantu
vartamAn sAmarthyarUp nahIn hai — kyonki vartamAnamen pAnch grAmonse adhik grAmommen gaman nahIn kar
sakatA. tathA pAnch grAmommen jAnekI paryAy-apekShA varttamAn sAmarthyarUp shakti hai, kyonki unamen gaman
kar sakatA hai; tathA vyaktatA ek dinamen ek grAmako gaman karanekI hI pAI jAtI hai.