-
tIsarA adhikAr ][ 59
par bhI siddhi nahIn ho; isaliye jAnA jAtA hai ki isakA upAy isake AdhIn nahIn hai.
tathA kadAchit upAy bhI kare aur vaisA hI uday Aye to thoDe kAl tak kinchit
kisI prakArakI asAtAkA kAraN miTe aur sAtAkA kAraN ho; vahAn bhI mohake sadbhAvase
unako bhoganekI ichchhAse Akulit hotA hai. ek bhogya vastuko bhoganekI ichchhA ho, jab
tak vah nahIn milatI tab tak to usakI ichchhAse Akul hotA hai; aur vah milI usI
samay anyako bhoganekI ichchhA ho jAtI hai, tab usase Akul hotA hai. jaise — kisIko
svAd lenekI ichchhA huI thI, usakA AsvAd jis samay huA usI samay anya vastukA svAd
lenekI tathA sparshanAdikI ichchhA utpanna hotI hai.
athavA ek hI vastuko pahale anya prakAr bhoganekI ichchhA ho, jab tak vah nahIn
mile tab tak usakI AkulatA rahe aur vah bhog huA usI samay anya prakArase bhoganekI
ichchhA ho jAtI hai. jaise strIko dekhanA chAhatA thA, jis samay avalokan huA usI samay
ramaN karanekI ichchhA hotI hai. tathA aise bhog bhogate hue bhI unake anya upAy karanekI
AkulatA hotI hai to unhen chhoDakar anya upAy karanemen lag jAtA hai; vahAn anek prakArakI
AkulatA hotI hai.
dekho, ek dhanakA upAy karanemen vyApArAdik karate hue tathA usakI rakShA karanemen
sAvadhAnI karate hue kitanI AkulatA hotI hai. tathA kShudhA, tRuShA, shIt, uShNa, mal, shleShmAdi
asAtAkA uday AtA hI rahe; usake nirAkaraNase sukh mAne — so kAhekA sukh hai? yah
to rogakA pratikAr hai. jab tak kShudhAdik rahen tab tak unako miTAnekI ichchhAse AkulatA
hotI hai, vah miTen tab koI anya ichchhA utpanna ho usakI AkulatA hotI hai aur phi ra
kShudhAdik hon tab unakI AkulatA ho AtI hai.
is prakAr isake upAy karate hue kadAchit asAtA miTakar sAtA ho, vahAn bhI
AkulatA banI hI rahatI hai, isaliye dukh hI rahatA hai.
tathA aise bhI rahanA to hotA nahIn hai, upAy karate-karate hI apaneko asAtAkA uday
aisA Aye ki usakA kuchh upAy ban nahIn sake aur usakI pIDA ho, sahI na jAye, tab
usakI AkulatAse vihval ho jAye; vahAn mahA dukhI hotA hai.
so is sansAramen sAtAkA uday to kisI puNyake udayase kisIke kadAchit hI pAyA
jAtA hai; bahut jIvonke bahut kAl asAtAhIkA uday rahatA hai. isaliye upAy karatA
hai ve jhUThe hain.