Moksha-Marg Prakashak-Hindi (iso15919 transliteration). Page: 88.

98 ] [ mokṣamārgaprakāśak

phi ra milakar sonekā ḍalā ho jātā hai. usī prakār brahma ek thā, phi ra anekarūp huā
aur phi ra ek hogā, isaliye ek hī hai.

is prakār ekatva mānatā hai to jab anekarūp huā tab juṛā rahā yā bhinna huā?

yadi juṛā rahā kahegā to pūrvokta doṣ āyegā. bhinna huā kahegā to us kāl to ekatva
nahīṁ rahā. tathā jal, suvarṇādikako bhinna hone par bhī ek kahate haiṁ vah to ek jāti
apekṣāse kahate haiṁ, parantu yahān̐ sarva padārthoṁkī ek jāti bhāsit nahīṁ hotī. koī cetan
hai, koī acetan hai, ityādi anek rūp haiṁ; unakī ek jāti kaise kaheṁ? tathā pahale ek
thā, phi ra bhinna huā mānate haiṁ to jaise ek pāṣāṇ phū ṭakar ṭukaṛe ho jātā hai usī prakār
brahmake khaṇḍa ho gaye, phi ra unakā ikaṭṭhā honā mānatā hai to vahān̐ unakā svarūp bhinna rahatā
hai yā ek ho jātā hai? yadi bhinna rahatā hai to vahān̐ apane-apane svarūpase bhinna hī haiṁ
aur ek ho jāte haiṁ to jaṛ bhī cetan ho jāyegā va cetan jaṛ ho jāyagā. vahān̐ anek
vastuoṁkī ek vastu huī tab kisī kālameṁ anek vastu, kisī kālameṁ ek vastu aisā kahanā
banegā, ‘anādi-ananta ek brahma hai’ — aisā kahanā nahīṁ banegā.

tathā yadi kahegā ki lok-racanā honese va na honese brahma jaisākā taisā hī rahatā hai,

isaliye brahma anādi-ananta hai. to ham pūchate haiṁ ki lokameṁ pr̥thvī, jalādik dekhe jāte haiṁ ve
alag navīn utpanna hue haiṁ yā brahma hī in svarūp huā hai? yadi alag navīn utpanna hue haiṁ
to ve nyāre hue, brahma nyārā rahā; sarvavyāpī advait brahma nahīṁ ṭhaharā. tathā yadi brahma hī in
svarūp huā to kadācit lok huā, kadācit brahma huā, phi ra jaisākā taisā kaisā rahā?

tathā vah kahatā hai ki — sabhī brahma to lokasvarūp nahīṁ hotā, usakā koī aṁś

hotā hai. usase kahate haiṁ — jaise samudrakā ek bindu viṣarūp huā, vahān̐ sthūl dr̥ṣṭise to

gamya nahīṁ hai, parantu sūkṣmadr̥ṣṭi dene par to bindu apekṣā samudrake anyathāpanā huā. usī
prakār brahmakā ek aṁś bhinna hokar lokarūp huā, vahān̐ sthūl vicārase to gamya nahīṁ hai,
parantu sūkṣma vicār karane par to ek aṁś apekṣāse brahmake anyathāpanā huā. yah anyathāpanā
aur to kisīke huā nahīṁ hai.

is prakār sarvarūp brahmako mānanā bhram hī hai.
tathā ek prakār yah hai — jaise ākāś sarvavyāpī ek hai, usī prakār brahma sarvavyāpī

ek hai. yadi is prakār mānatā hai to ākāśavat baṛā brahmako mān aur jahān̐ ghaṭapaṭādik
haiṁ vahān̐ jis prakār ākāś hai usī prakār brahma bhī hai — aisā bhī mān, parantu jis prakār

< Previous Page Next Page >