Moksha-Marg Prakashak-Hindi (iso15919 transliteration). Page: 92.

102 ] [ mokṣamārgaprakāśak

vahān̐ varṇādi kaise sambhav haiṁ? yadi navīn hue to amūrtikakā mūrtik huā, tab amūrtik
svabhāv śāśvat nahīṁ ṭhaharā aur yadi kahegā ki — māyāke nimittase aur koī hotā hai,

tab aur padārtha to tū ṭhaharātā hī nahīṁ, phi ra huā kaun?

yadi tū kahegā — navīn padārtha utpanna hotā hai; to vah māyāse bhinna utpanna hotā

hai yā abhinna utpanna hotā hai? māyāse bhinna utpanna ho to māyāmayī śarīrādik kisaliye
kahatā hai, ve to un padārthamay hue. aur abhinna utpanna hue to māyā hī tadrūp huī, navīn
padārtha utpanna kisaliye kahatā hai?

is prakār śarīrādik māyāsvarūp haiṁ, aisā kahanā bhram hai.
tathā ve kahate haiṁ — māyāse tīn guṇ utpanna hue — rājas, tāmas, sāttvika. so yah

bhī kahanā kaise banegā? kyoṁki mānādi kaṣāyarūp bhāvako rājas kahate haiṁ, krodhādi-kaṣāyarūp
bhāvako tāmas kahate haiṁ, mandakaṣāyarūp bhāvako sāttvik kahate haiṁ. so yah bhāv to cetanāmay
pratyakṣa dekhe jāte haiṁ aur māyākā svarūp jaṛ kahate ho, so jaṛase yah bhāv kaise utpanna
hoṁ? yadi jaṛake bhī hoṁ to pāṣāṇādikake bhī hoṁge, parantu cetanāsvarūp jīvoṁke hī yah
bhāv dikhate haiṁ; isaliye yah bhāv māyāse utpanna nahīṁ haiṁ. yadi māyāko cetan ṭhaharāye to
yah māneṁ. so māyāko cetan ṭhaharāne par śarīrādik māyāse utpanna kahegā to nahīṁ māneṁge.
isaliye nirdhār kar; bhramarūp mānanese lābh kyā hai.

tathā ve kahate haiṁ — un guṇoṁse brahmā, viṣṇu, maheś yah tīn dev pragaṭ hue so kaise

sambhav hai? kyoṁki guṇīse to guṇ hotā hai, guṇase guṇī kaise utpanna hogā? puruṣase to
krodh hogā, krodhase puruṣ kaise utpanna hogā? phi ra in guṇoṁkī to nindā karate haiṁ, inase
utpanna hue brahmādikako pūjya kaise mānā jātā hai? tathā guṇ to māyāmayī aur inheṁ brahmake
avatār kahā jātā hai so yah to māyāke avatār hue, inako brahmakā avatār *kaise kahā

jātā hai? tathā yah guṇ jinake thoṛe bhī pāye jāte haiṁ unheṁ to chuṛānekā upadeś dete haiṁ
aur jo inhīṁkī mūrti unheṁ pūjya māneṁ yah kaisā bhram hai?

✽

brahmā, viṣṇu aur śiv yah tīnoṁ brahmakī pradhān śaktiyān̐ haiṁ. (‘viṣṇu purāṇ’ a0 22-58)
kalikālake prārambhameṁ parabrahma paramātmāne rajoguṇase utpanna hokar brahmā banakar prajākī racanā kī.
pralayake samay tamoguṇase utpanna ho kāl (śiv) banakar sr̥ṣṭiko gras liyā. us paramātmāne sattvaguṇase
utpanna ho, nārāyaṇ banakar samudrameṁ śayan kiyā.

(‘vāyu purāṇ’ a0 7-68, 69)

< Previous Page Next Page >