Moksha-Marg Prakashak-Hindi (iso15919 transliteration). Page: 91.

pān̐cavā adhikār ][ 101

banegā? tathā jo nyāre haiṁ to jaise koī bhūt binā hī prayojan anya jīvoṁko bhram utpanna
karake pīṛā utpanna karatā hai, usī prakār brahma binā hī prayojan anya jīvoṁko māyā utpanna
karake pīṛā utpanna kare so bhī banatā nahīṁ hai.

is prakār māyā brahmakī kahate haiṁ so kaise sambhav hai?
phi ra ve kahate haiṁ — māyā hone par lok utpanna huā, vahān̐ jīvoṁke jo cetanā hai

vah to brahmasvarūp hai, śarīrādik māyā hai. vahān̐ jis prakār bhinna-bhinna bahutase pātroṁmeṁ jal
bharā hai, un sabameṁ candramākā pratibimba alag-alag paṛatā hai, candramā ek hai; usī prakār
alag-alag bahutase śarīroṁmeṁ brahmakā caitanyaprakāś alag-alag pāyā jātā hai. brahma ek
hai, isaliye jīvoṁke cetanā hai so brahmakī hai.

aisā kahanā bhī bhram hī hai; kyoṁki śarīr jaṛ hai, isameṁ brahmake pratibimbase cetanā huī,

to ghaṭ-paṭādi jaṛ haiṁ unameṁ brahmakā pratibimba kyoṁ nahīṁ paṛā aur cetanā kyoṁ nahīṁ huī?

tathā vah kahatā hai — śarīrako to cetan nahīṁ karatā, jīvako karatā hai.

tab usase pūchate haiṁ ki jīvakā svarūp cetan hai yā acetan? yadi cetan hai to

cetanakā cetan kyā karegā? acetan hai to śarīrakī va ghaṭādikakī va jīvakī ek jāti
huī. tathā usase pūchate haiṁ — brahmakī aur jīvoṁkī cetanā ek hai yā bhinna hai? yadi ek

hai to jñānakā adhik-hīnapanā kaise dekhā jātā hai? tathā yah jīv paraspar — vah usakī

jānīko nahīṁ jānatā aur vah usakī jānīko nahīṁ jānatā, so kyā kāraṇ hai? yadi tū
kahegā, yah ghaṭaupādhi bhed hai; to ghaṭaupādhi honese to cetanā bhinna-bhinna ṭhaharī. ghaṭaupādhi
miṭane par isakī cetanā brahmameṁ milegī yā nāś ho jāyagī? yadi nāś ho jāyegī to yah
jīv to acetan rah jāyegā aur tū kahegā ki jīv hī brahmameṁ mil jātā hai to vahān̐
brahmameṁ milane par isakā astitva rahatā hai yā nahīṁ rahatā? yadi astitva rahatā hai to yah
rahā, isakī cetanā isake rahī; brahmameṁ kyā milā? aur yadi astitva nahīṁ rahatā hai to
usakā nāś hī huā; brahmameṁ kaun milā? yadi tū kahegā ki brahmakī aur jīvoṁkī cetanā
bhinna hai, to brahma aur sarva jīv āp hī bhinna-bhinna ṭhahare. is prakār jīvoṁko cetanā
hai so brahmakī hai — aisā bhī nahīṁ banatā.

śarīrādi māyāke kahate ho so māyā hī hāṛ-māṁsādirūp hotī hai yā māyāke nimittase

aur koī unarūp hotā hai. yadi māyā hī hotī hai to māyāke varṇa-gaṁdhādik pahale hī
the yā navīn hue haiṁ? yadi pahale hī the to pahale to māyā brahmakī thī, brahma amūrtik hai

< Previous Page Next Page >