Moksha-Marg Prakashak-Hindi (iso15919 transliteration). Page: 90.

100 ] [ mokṣamārgaprakāśak

tathā pahale bhī sukhī hogā icchānusār kārya hone par bhī sukhī hogā; parantu icchā

huī us kāl to duḥkhī hogā? tab vah kahatā hai — brahmake jis kāl icchā hotī hai usī

kāl hī kārya hotā hai, isaliye duḥkhī nahīṁ hotā. vahān̐ kahate haiṁ — sthūl kālakī apekṣā

to aisā māno; parantu sūkṣma kālakī apekṣā to icchākā aur kāryakā honā yugapat sambhav
nahīṁ hai. icchā to tabhī hotī hai jab kārya na ho. kārya ho tab icchā nahīṁ rahatī.
isaliye sūkṣma kālamātra icchā rahī tab to duḥkhī huā hogā; kyoṁki icchā hai so hī duḥkh
hai aur koī duḥkhakā svarūp hai nahīṁ. isalie brahmake icchā kaise bane?

phi ra ve kahate haiṁ ki — icchā hone par brahmakī māyā pragaṭ huī; vahān̐ brahmako māyā

huī tab brahma bhī māyāvī huā, śuddhasvarūp kaise rahā? tathā brahmako aur māyāko daṇḍī-
daṇḍavat saṁyogasambandha hai ki agni-uṣṇavat samavāyasambandha hai. jo saṁyogasambandha hai to brahma
bhinna hai, māyā bhinna hai; advait brahma kaise rahā? tathā jaise daṇḍī daṇḍako upakārī jānakar
grahaṇ karatā hai taise brahma māyāko upakārī jānatā hai to grahaṇ karatā hai, nahīṁ to kyoṁ
grahaṇ kare? tathā jis māyāko brahma grahaṇ kare usakā niṣedh karanā kaise sambhav hai? vah
to upādey huī. tathā yadi samavāyasambandha hai to jaise agnikā uṣṇatva svabhāv hai vaise
brahmakā māyā svabhāv hī huā. jo brahmakā svabhāv hai usakā niṣedh karanā kaise sambhav
hai? yah to uttam huī.

phi ra ve kahate haiṁ ki brahma to caitanya hai, māyā jaṛ hai; so samavāyasambandhameṁ aise

do svabhāv sambhavit nahīṁ hote. jaise prakāś aur andhakār ekatra kaise sambhav haiṁ?

tathā vah kahatā hai — māyāse brahma āp to bhramarūp hotā nahīṁ hai, usakī māyāse

jīv bhramarūp hotā hai. usase kahate haiṁ — jis prakār kapaṭī apane kapaṭako āp jānatā

hai so āp bhramarūp nahīṁ hotā, usake kapaṭase anya bhramarūp ho jātā hai. vahān̐ kapaṭī
to usīko kahate haiṁ jisane kapaṭ kiyā, usake kapaṭase anya bhramarūp hue unheṁ to kapaṭī
nahīṁ kahate. usī prakār brahma apanī māyāko āp jānatā hai so āp to bhramarūp nahīṁ
hotā, parantu usakī māyāse anya jīv bhramarūp hote haiṁ. vahān̐ māyāvī to brahmako hī kahā
jāyagā, usakī māyāse anya jīv bhramarūp hue unheṁ māyāvī kisaliye kahate haiṁ?

phi ra pūchate haiṁ ki — ve jīv brahmase ek haiṁ? yā nyāre haiṁ? yadi ek haiṁ to jaise

koī āp hī apane aṁgoṁko pīṛā utpanna kare to use bāvalā kahate haiṁ; usī prakār brahma
āp hī jo apanese bhinna nahīṁ haiṁ aise anya jīv, unako māyāse duḥkhī karatā hai so kaise

< Previous Page Next Page >