Moksha-Marg Prakashak-Hindi (iso15919 transliteration). Page: 94.

104 ] [ mokṣamārgaprakāśak

phi ra vah kahatā hai ki parameśvarako to kuch prayojan nahīṁ hai. lokarītikī pravr̥ttike

artha vah bhaktoṁkī rakṣā, duṣṭoṁkā nigrah — usake artha avatār dhāraṇ✽ karatā hai. to isase

pūchate haiṁ — prayojan binā cīṁṭī bhī kārya nahīṁ karatī, parameśvar kisaliye karegā? tathā tūne

prayojan bhī kahā ki — lokarītikī pravr̥ttike artha karatā hai. so jaise koī puruṣ āp

kuceṣṭāse apane putroṁko sikhāye aur ve ceṣṭārūp pravarteṁ tab unako māre to aise pitāko bhalā
kaise kaheṁge? usī prakār brahmādik āp kām-krodharūp ceṣṭāse apane utpanna kiye logoṁ ko
pravr̥tti karāyeṁ aur ve log us prakār pravr̥tti kareṁ tab unheṁ narakādimeṁ ḍāle. inhīṁ bhāvoṁkā
phal śāstrameṁ narakādi likhā hai so aise prabhuko bhalā kaise māneṁ?

tathā tūne yah prayojan kahā ki bhaktoṁkī rakṣā, duṣṭoṁkā nigrah karanā. so bhaktoṁko

duḥkhadāyak jo duṣṭa hue, ve parameśvarakī icchāse hue yā binā icchāse hue? yadi icchāse
hue to jaise koī apane sevakako āp hī kisīse kahakar marāye aur phi ra us māranevāleko
āp māre, to aise svāmīko bhalā kaise kaheṁge? usī prakār jo apane bhaktako āp hī
icchāse duṣṭoṁ dvārā pīṛit karāye aur phi ra un duṣṭoṁko āp avatār dhāraṇ karake māre,
to aise īśvarako bhalā kaise mānā jāye?

yadi tū kahegā ki binā icchā duṣṭa hue — to yā to parameśvarako aisā āgāmī jñān

nahīṁ hogā ki yah duṣṭa mere bhaktoṁko duḥkh deṁge, yā pahale aisī śakti nahīṁ hogī ki inako
aisā na hone de. tathā usase pūchate haiṁ ki yadi aise kāryake artha avatār dhāraṇ kiyā,
so kyā binā avatār dhāraṇ kiye śakti thī yā nahīṁ? yadi thī to avatār kyoṁ dhāraṇ
kiyā? aur nahīṁ thī to bādameṁ sāmarthya honekā kāraṇ kyā huā?

tab vah kahatā hai — aisā kiye binā parameśvarakī mahimā pragaṭ kaise hotī? usase

pūchate haiṁ ki — apanī mahimāke artha apane anucaroṁkā pālan kare, pratipakṣiyoṁkā nigrah kare;

yahī rāg-dveṣ hai. vah rāg-dveṣ to saṁsārī jīvakā lakṣaṇ hai. yadi parameśvarake bhī rāg-
dveṣ pāye jāte haiṁ to anya jīvoṁko rāg-dveṣ choṛakar samatābhāv karanekā upadeś kisaliye
deṁ? tathā rāg-dveṣake anusār kārya karanekā vicār kiyā, so kārya thoṛe va bahut kāl
lage binā hotā nahīṁ hai, to utane kāl ākulatā bhī parameśvarako hotī hogī. jaise jis
kāryako choṭā ādamī hī kar sakatā ho us kāryako rājā svayaṁ ākar kare to kuch rājākī

✽

paritrāṇāy sādhūnāṁ vināśāy ca duṣkr̥tām.
dharmasaṁsthāpanārthāy sambhavāmi yuge yuge ..8.. (gītā 4-8)

< Previous Page Next Page >