Moksha-Marg Prakashak-Hindi (iso15919 transliteration). Page: 95.

pān̐cavān̐ adhikār ][ 105

mahimā nahīṁ hotī, nindā hī hotī hai. usī prakār jis kāryako rājā va vyaṁtar devādik
kar sakeṁ us kāryako parameśvar svayaṁ avatār dhāraṇ karake karatā hai — aisā māneṁ to kuch

parameśvarakī mahimā nahīṁ hotī, nindā hī hotī hai.

tathā mahimā to koī aur ho use dikhalāte haiṁ; tū to advait brahma mānatā hai, mahimā

kisako dikhātā hai? aur mahimā dikhalānekā phal to stuti karānā hai so kisase stuti
karānā cāhatā hai? tathā tū kahatā hai sarva jīv parameśvarakī icchānusār pravartate haiṁ aur svayaṁko
stuti karānekī icchā hai to sabako apanī stutirūp pravartit karo, kisaliye anya kārya karanā
paṛe? isalie mahimāke artha bhī kārya karanā nahīṁ banatā.

phi ra vah kahatā hai — parameśvar in kāryoṁko karate hue bhī akarttā hai, usakā nirdhār

nahīṁ hotā. isase kahate haiṁ — tū kahegā ki vah merī mātā bhī hai aur bān̐jh bhī hai to

terā kahā kaise māneṁ? jo kārya karatā hai use akarttā kaise māneṁ? aur tū kahatā hai —

nirdhār nahīṁ hotā; so nirdhār binā mān lenā ṭhaharā to ākāśake phū la, gadheke sīṁg bhī
māno; parantu aisā asambhav kahanā yukta nahīṁ hai.

is prakār brahmā, viṣṇu, maheśako honā kahate haiṁ so mithyā jānanā.
phi ra ve kahate haiṁ — brahmā to sr̥ṣṭiko utpanna karate haiṁ, viṣṇu rakṣā karate haiṁ, maheś

saṁhār karate haiṁ — so aisā kahanā bhī sambhav nahīṁ hai; kyoṁki in kāryoṁko karate hue koī

kuch karanā cāhegā, koī kuch karanā cāhegā, tab paraspar virodh hogā.

aur yadi tū kahegā ki yah to ek parameśvarakā hī svarūp hai, virodh kisaliye

hogā? to āp hī utpanna kare, āp hī naṣṭa kare — aise kāryameṁ kaun phal hai? yadi sr̥ṣṭi

apaneko aniṣṭa hai to kisaliye utpanna kī, aur iṣṭa hai to kisaliye naṣṭa kī? aur yadi
pahale iṣṭa lagī tab utpanna kī, phi ra aniṣṭa lagī tab naṣṭa kar dī — aisā hai to parameśvarakā

svabhāv anyathā huā ki sr̥ṣṭikā svarūp anyathā huā. yadi pratham pakṣa grahaṇ karegā to
parameśvarakā ek svabhāv nahīṁ ṭhaharā. so ek svabhāv na rahanekā kāraṇ kyā hai? vah batalā.
binā kāraṇ svabhāvakā palaṭanā kisaliye hogā? aur dvitīy pakṣa grahaṇ karegā to sr̥ṣṭi
to parameśvar ke ādhīn thī, use aisī kyoṁ hone diyā ki apaneko aniṣṭa lage?

tathā ham pūchate haiṁ ki — brahmā sr̥ṣṭi utpanna karate haiṁ so kaise utpanna karate haiṁ? ek

prakār to yah hai ki jaise — mandir banānevālā cūnā, patthar ādi sāmagrī ekatrit karake

ākārādi banātā hai; usī prakār brahmā sāmagrī ekatrit karake sr̥ṣṭikī racanā karatā hai.

< Previous Page Next Page >