Moksha-Marg Prakashak-Hindi (iso15919 transliteration). Page: 100.

110 ] [ mokṣamārgaprakāśak

yadi alag rahatī hai to brahmavat māyā bhī nitya huī, tab advait brahma nahīṁ rahā. aur māyā
brahmameṁ ek ho jātī hai to jo jīv māyāmeṁ mile the ve bhī māyāke sāth brahmameṁ mil gaye,
to mahāpralay hone par sarvakā paramabrahmameṁ milanā ṭhaharā hī, tab mokṣakā upāy kisaliye kareṁ?

tathā jo jīv māyāmeṁ mile ve punaḥ lokaracanā hone par ve hī jīv lokameṁ āyeṁge

ki ve brahmameṁ mil gaye the, isaliye naye utpanna hoṁge? yadi ve hī āyeṁge to mālūm hotā
hai alag-alag rahate haiṁ, mile kyoṁ kahate ho? aur naye utpanna hoṁge to jīvakā astitva
thoṛekāl paryanta hī rahatā hai, phi ra kisaliye mukta honekā upāy kareṁ?

tathā vah kahatā hai — pr̥thvī ādi haiṁ ve māyāmeṁ milate haiṁ, so māyā amūrtik sacetan

hai yā mūrtik acetan? yadi amūrtik sacetan hai to amūrtikameṁ mūrtik acetan kaise milegā?
aur mūrtik acetan hai to yah brahmameṁ milatā hai yā nahīṁ? yadi milatā hai to isake milanese
brahma bhī mūrtik acetanase miśrit huā. aur nahīṁ milatā hai to advaitatā nahīṁ rahī. aur
tū kahegā — yah sarva amūrtik acetan ho jāte haiṁ to ātmā aur śarīrādikakī ekatā huī,

so yah saṁsārī ekatā mānatā hī hai, ise ajñānī kisaliye kaheṁ?

phi ra pūchate haiṁ — lokakā pralay hone par maheśakā pralay hotā hai yā nahīṁ hotā?

yadi hotā hai to ek sāth hotā hai yā āge-pīche hotā hai? yadi ekasāth hotā hai to
āp naṣṭa hotā huā lokako naṣṭa kaise karegā? aur āge-pīche hotā hai to maheś lokako
naṣṭa karake āp kahān̐ rahā, āp bhī to sr̥ṣṭimeṁ hī thā?

is prakār maheśako sr̥ṣṭikā saṁhārakarttā mānate haiṁ so asambhav hai.
is prakārase va anya anek prakārase brahmā, viṣṇu, maheśako sr̥ṣṭikā utpanna karanevālā,

rakṣā karanevālā, saṁhār karanevālā mānanā nahīṁ banatā; isaliye lokako anādinidhan mānanā.

lokake anādinidhanapanekī puṣṭi

is lokameṁ jo jīvādi padārtha haiṁ ve nyāre-nyāre anādinidhan haiṁ; tathā unakī avasthākā

parivartan hotā rahatā hai, us apekṣāse utpanna-vinaṣṭa hote kahe jāte haiṁ. tathā jo svarga-
narak dvīpādik haiṁ ve anādise isī prakār hī haiṁ aur sadākāl isī prakār raheṁge.

kadācit tū kahegā — binā banāye aise ākārādi kaise hue? so hue hoṁge to banāne

par hī hue hoṁge. aisā nahīṁ hai, kyoṁki anādise hī jo pāye jāte haiṁ vahān̐ tarka kaisā?
jisaprakār tū paramabrahmakā svarūp anādinidhan mānatā hai, usī prakār un jīvādik va

< Previous Page Next Page >