Moksha-Marg Prakashak-Hindi (iso15919 transliteration). Page: 99.

pān̐cavān̐ adhikār ][ 109

yugapat (ek sāth) kaise saṁhār karatā hai? tathā maheś to icchā hī karatā hai, usakī icchāse
svayamev unakā saṁhār hotā hai; to usake sadākāl māranerūp duṣṭa pariṇām hī rahā karate
hoṁge aur anek jīvoṁko ekasāth māranekī icchā kaise hotī hogī? tathā yadi mahāpralay
hone par saṁhār karatā hai to paramabrahmakī icchā hone par karatā hai yā usakī binā icchā
hī karatā hai? yadi icchā hone par karatā hai to param brahmake aisā krodh kaise huā ki
sarvathā pralay karanekī icchā huī? kyoṁki kisī kāraṇ binā nāś karanekī icchā nahīṁ hotī
aur nāś karanekī jo icchā usīkā nām krodh hai so kāraṇ batalā?

tathā tū kahegā — paramabrahmane yah khel banāyā thā, phi ra dūr kar diyā, kāraṇ kuch

bhī nahīṁ hai. to khel banānevāleko bhī khel iṣṭa lagatā hai tab banātā hai, aniṣṭa lagatā
hai tab dūr karatā hai. yadi use yah lok iṣṭa-aniṣṭa lagatā hai to use lokase rāg-dveṣ
to huā. brahmakā svarūp sākṣībhūt kisaliye kahate ho; sākṣībhūt to usakā nām hai jo
svayamev jaise ho usīprakār dekhatā-jānatā rahe. yadi iṣṭa-aniṣṭa mānakar utpanna kare, naṣṭa kare,
use sākṣībhūt kaise kaheṁ? kyoṁki sākṣībhūt rahanā aur kartā-hartā honā yah donoṁ paraspar virodhī
haiṁ; ekako donoṁ sambhav nahīṁ haiṁ.

tathā paramabrahmake pahale to yah icchā huī thī ki ‘‘maiṁ ek hūn̐ so bahut hoūn̐gā’’ tab

bahut huā. ab aisī icchā huī hogī ki ‘‘maiṁ bahut hūn̐ so kam hoūn̐gā’’. so jaise koī
bholepanase kārya karake phi ra us kāryako dūr karanā cāhe; usī prakār paramabrahmane bhī bahut hokar
ek honekī icchā kī so mālūm hotā hai ki bahut honekā kārya kiyā hogā so bholepanahīse
kiyā hogā, āgāmī jñānase kiyā hotā to kisaliye use dūr karanekī icchā hotī?

tathā yadi paramabrahmakī icchā binā hī maheś saṁhār karatā hai to yah paramabrahmakā va

brahmakā virodhī huā.

phi ra pūchate haiṁ — yah maheś lokakā saṁhār kaise karatā hai? apane aṁgoṁse hī saṁhār

karatā hai ki icchā hone par svayamev hī saṁhār hotā hai? yadi apane aṁgoṁse saṁhār karatā
hai to sabakā ek sāth saṁhār kaise karatā hai? tathā isakī icchā honese svayamev saṁhār hotā
hai; tab icchā to paramabrahmane kī thī, isane saṁhār kyoṁ kiyā?

phi ra ham pūchate haiṁ ki — saṁhār hone par sarvalokameṁ jo jīv-ajīv the ve kahān̐ gaye?

tab vah kahatā hai — jīvoṁmeṁ jo bhakta the ve to brahmameṁ mil gaye, anya māyāmeṁ mil gaye.

ab isase pūchate haiṁ ki — māyā brahmase alag rahatī hai ki bādameṁ ek ho jātī hai?

< Previous Page Next Page >