-
108 ] [ mokṣamārgaprakāśak
ki — jaise śaktihīn lobhī jhūṭhā vaidya kisīkā kuch bhalā ho to kahatā hai merā kiyā huā
hai; aur jahān̐ burā ho, maraṇ ho, tab kahatā hai isakī aisī hī honahār thī. usī prakār
tū kahatā hai ki bhalā huā vahān̐ to viṣṇukā kiyā huā aur burā huā so isake karttavyakā
phal huā. is prakār jhūṭhī kalpanā kisaliye kareṁ? yā to burā va bhalā donoṁ viṣṇuke
kiye kaho, yā apane karttavyakā phal kaho. yadi viṣṇukā kiyā huā kaho to bahut jīv
duḥkhī aur śīghra marate dekhe jāte haiṁ so aisā kārya kare use rakṣak kaise kaheṁ? tathā apane
karttavyakā phal hai to karegā so pāyegā, viṣṇu kyā rakṣā karegā?
tab vah kahatā hai — jo viṣṇuke bhakta haiṁ unakī rakṣā karatā hai. usase kahate haiṁ
ki — yadi aisā hai to kīṛī, kunjar ādi bhakta nahīṁ haiṁ unako annādik pahuṁcānemeṁ va saṁkaṭ
meṁ sahāy honemeṁ va maraṇ na honemeṁ viṣṇukā karttavya mānakar sarvakā rakṣak kisaliye mānatā
hai, bhaktoṁkā hī rakṣak māna. so bhaktoṁkā bhī rakṣak nahīṁ dīkhatā, kyoṁki abhakta bhī bhakta
puruṣoṁko pīṛā utpanna karate dekhe jāte haiṁ.
tab vah kahatā hai — kaī jagah prahlādādikakī sahāy kī hai. usase kahate haiṁ —
jahān̐ sahāy kī vahān̐ to tū vaisā hī mān; parantu ham to pratyakṣa mleccha musalamān ādi
abhakta puruṣoṁ dvārā bhakta puruṣoṁko pīṛit hote dekh va mandirādiko vighna karate dekhakar pūchate
haiṁ ki yahān̐ sahāy nahīṁ karatā, so śakti nahīṁ hai yā khabar hī nahīṁ hai. yadi śakti nahīṁ
hai to inase bhī hīnaśaktikā dhārak huā. khabar bhī nahīṁ hai to jise itanī bhī khabar
nahīṁ hai so ajñān huā.
aur yadi tū kahegā — śakti bhī hai aur jānatā bhī hai; parantu icchā aisī hī huī,
to phi ra bhaktavatsal kisaliye kahatā hai?
is prakār viṣṇuko lokakā rakṣak mānanā nahīṁ banatā.
phi ra ve kahate haiṁ — maheś saṁhār karatā hai. so usase pūchate haiṁ ki — pratham to maheś
saṁhār sadā karatā hai yā mahāpralay hotā hai tabhī karatā hai. yadi sadā karatā hai to jis
prakār viṣṇukī rakṣā karanese stuti kī; usī prakār usakī saṁhār karanese niṁdā karo, kyoṁki
rakṣā aur saṁhār pratipakṣī haiṁ.
tathā yah saṁhār kaise karatā hai? jaise puruṣ hastādise kisīko māre yā kahakar marāye;
usī prakār maheś apane aṁgoṁse saṁhār karatā hai yā ājñāse marātā hai? tab kṣaṇ-kṣaṇameṁ saṁhār
to bahut jīvoṁkā sarvalokameṁ hotā hai, yah kaise-kaise aṁgoṁse va kis-kisako ājñā dekar