Moksha-Marg Prakashak-Hindi (iso15919 transliteration). Page: 102.

112 ] [ mokṣamārgaprakāśak

avatār mīmāṁsā

tathā caubīs avatār hue kahate haiṁ; vahān̐ kitane hī avatāroṁko pūrṇāvatār kahate haiṁ,

kitanoṁko aṁśāvatār kahate haiṁ. so pūrṇāvatār hue tab brahma anyatra vyāpak rahā yā nahīṁ
rahā? yadi rahā to in avatāroṁko pūrṇāvatār kisaliye kahate ho? yadi (vyāpak) nahīṁ rahā
to etāvanmātra hī brahma rahā. tathā aṁśāvatār hue vahān̐ brahmakā aṁś to sarvatra kahate ho,
inameṁ kyā adhikatā huī? tathā kārya to tuccha thā aur usake liye brahmane svayaṁ avatār
dhāraṇ kiyā kahate haiṁ so mālūm hotā hai binā avatār dhāraṇ kiye brahmakī śakti vah kārya
karanekī nahīṁ thī; kyoṁki jo kārya alpa udyamase ho vahān̐ bahut udyam kisaliye kareṁ?

tathā avatāroṁmeṁ maccha, gacchādi avatār hue so kiṁcit kārya karaneke artha hīn tiryaṁc

paryāyarūp huā so kaise sambhav hai? tathā prahlādake artha narasiṁh avatār huā, so hariṇāṁkuśako
aisā kyoṁ hone diyā aur kitane hī kāl tak apane bhaktako kisaliye duḥkh dilāyā?
tathā aisā rūp kisaliye dhāraṇ kiyā? tathā nābhirājāke vr̥ṣabhāvatār huā batalāte haiṁ, so
nābhiko putrapanekā sukh upajāneko avatār dhāraṇ kiyā. ghor tapaścaraṇ kisaliye kiyā?
unako to kuch sāghya thā hī nahīṁ. kahegā ki jagatake dikhalāneko kiyā; tab koī avatār
to tapaścaraṇ dikhāye, koī avatār bhogādik dikhāye, vahān̐ jagat kisako bhalā jānegā?

phi ra (vah) kahatā hai — ek arahaṁt nāmakā rājā huā✽ usane vr̥ṣabhāvatārakā mat

aṁgīkār karake jainamat pragaṭ kiyā, so jainameṁ koī ek arahaṁt nahīṁ huā. jo sarvajñapad
pākar pūjane yogya ho usakā nām arhat hai.

tathā rām-kr̥ṣṇa in donoṁ avatāroṁko mukhya kahate haiṁ so rāmāvatārane kyā kiyā?

sītāke artha vilāp karake rāvaṇase laṛakar use mārakar rājya kiyā. aur kr̥ṣṇāvatārameṁ
pahale gvālā hokar parastrī gopiyoṁke artha nānā viparīt niṁdya❈

ceṣṭāen̐ karake, phi ra jarāsiṁghu

ādiko mārakar rājya kiyā. so aise kārya karanemeṁ kyā siddhi huī?

tathā rām-kr̥ṣṇādikakā ek svarūp kahate haiṁ, so bīcameṁ itane kāl kahān̐ rahe? yadi

brahmameṁ rahe to alag rahe yā ek rahe? alag rahe to mālūm hotā hai ve brahmase alag rahate

✽

sanatkumār-1, śūkarāvatār-2, devarṣi nārad-3, nar-nārāyaṇ-4, ka pil-5, dattātray-6, yajñapuruṣ-7,
r̥ṣabhāvatār-8, pr̥thuavatār-9, matsya-10, kacchap-11, dhanvantari-12, mohinī-13, nr̥siṁhāvatār-14,
vāman-15, paraśurām-16, vyās-17, haṁs-18, rāmāvatār-19, kr̥ṣṇāvatār-20, hayagrīv-21, hari-22,
buddha-23, aur kalki yah 24 avatār māne jāte haiṁ.

❈

bhāgavat skandha 5, adhyāy 6, 7, 11

< Previous Page Next Page >