-
pān̐cavān̐ adhikār ][ 113
haiṁ. ek rahe to rām hī kr̥ṣṇa hue, sītā hī rukmiṇī huī — ityādi kaise kahate haiṁ?
tathā rāmāvatārameṁ to sītāko mukhya karate haiṁ aur kr̥ṣṇāvatārameṁ sītāko rukmiṇī huī
kahate haiṁ aur use to pradhān nahīṁ kahate, rādhikākumārīko mukhya karate haiṁ. tathā pūcheṁ tab
kahate haiṁ — rādhikā bhakta thī; so nij strīko choṛakar dāsīko mukhya karanā kaise banatā hai?
tathā kr̥ṣṇake to rādhikā sahit parastrī sevanake sarva vidhān hue so yah bhakti kaisī kī,
aise kārya to mahāniṁdya haiṁ. tathā rukmiṇīko choṛakar rādhāko mukhya kiyā so parastrī sevanako
bhalā jān kiyā hogā? tathā ek rādhāmeṁ hī āsakta nahīṁ hue, anya gopikā *kubjā ādi
anek parastriyoṁmeṁ bhī āsakta huā. so yah avatār aise hī kāryakā adhikārī huā.
phi ra kahate haiṁ — ‘‘lakṣmī usakī strī hai’’, aur dhanādikako lakṣmī kahate haiṁ; so yah
to pr̥thvī ādimeṁ jis prakār pāṣāṇ, dhūl haiṁ; usī prakār ratna, suvarṇādi dhan dekhate haiṁ;
yah alag lakṣmī kaun hai jisakā bhartār nārāyaṇ hai? tathā sītādikako māyākā svarūp kahate
haiṁ, so inameṁ āsakta hue tab māyāmeṁ āsakta kaise na hue? kahān̐ tak kaheṁ, jo nirūpaṇ
karate haiṁ so viruddha karate haiṁ. parantu jīvoṁko bhogādikakī kathā acchī lagatī hai, isaliye
unakā kahanā priy lagatā hai.
aise avatār kahe haiṁ inako brahmasvarūp kahate haiṁ. tathā auroṁko bhī brahmasvarūp kahate
haiṁ. ek to mahādevako brahmasvarūp mānate haiṁ, use yogī kahate haiṁ, so yog kisaliye grahaṇ
kiyā? tathā mr̥gachālā, bhasma dhāraṇ karate haiṁ so kis artha dhāraṇ kī hai? tathā ruṇḍamālā
pahinate haiṁ so hīko chūnā bhī niṁdya hai use galemeṁ kis artha dhāraṇ karate haiṁ? sarpādi sahit
haiṁ so isameṁ kaun baṛāī hai? āk – dhatūrā khātā hai so isameṁ kaun bhalāī hai? triśūlādi
rakhatā hai so kisakā bhay hai? tathā pārvatīko saṁg liye hai, parantu yogī hokar strī rakhatā
hai so aisī viparītatā kisaliye kī? kāmāsakta thā to gharameṁ hī rahatā, tathā usane nānāprakār
viparīt ceṣṭā kī usakā prayojan to kuch bhāsit nahīṁ hotā, bāvale jaisā kartavya bhāsit
hotā hai, use brahmasvarūp kahate haiṁ.
tathā kabhī kr̥ṣṇako isakā sevak kahate haiṁ, kabhī isako kr̥ṣṇakā sevak kahate haiṁ,
kabhī donoṁko ek hī kahate haiṁ, kuch ṭhikānā nahīṁ hai.
tathā sūryādiko brahmakā svarūp kahate haiṁ. tathā aisā kahate haiṁ ki viṣṇu ne kahā
✽
bhāgavat skandha — 10, a0 48, 1 — 11