Moksha-Marg Prakashak-Hindi (iso15919 transliteration). Page: 126.

136 ] [ mokṣamārgaprakāśak

dekhā jātā hai so kis prakār hotā hai? tathā pūrvaparyāyake gupta samācār pragaṭ karate haiṁ,
so yah jānanā kisake sāth gayā? jisake sāth jānanā gayā vahī ātmā hai.

tathā cārvākamatameṁ khānā, pīnā, bhog-vilās karanā ityādi svacchanda vr̥ttikā upadeś

hai; parantu aise to jagat svayamev hī pravartatā hai. vahān̐ śāstrādi banākar kyā bhalā honekā
upadeś diyā? tū kahegā — tapaścaraṇ, śīl, saṁyamādi chuṛāneke artha upadeś diyā; to in

kāryoṁmeṁ to kaṣāy ghaṭanese ākulatā ghaṭatī hai, isaliye yahīṁ sukhī honā hotā hai, tathā yaś
ādi hotā hai; tū inako chuṛākar kyā bhalā karatā hai? viṣayāsakta jīvoṁko suhātī bāteṁ
kahakar apanā va auroṁkā burā karanekā bhay nahīṁ hai; svacchanda hokar viṣayasevanake artha aisī
yukti banātā hai.

is prakār cārvākamatakā nirūpaṇ kiyā.

anyamat nirākaraṇ upasaṁhār

isī prakār anya anek mat haiṁ ve jhūṭhī kalpit yukti banākar viṣay-kaṣāyāsakta

pāpī jīvoṁ dvārā pragaṭ kiye gaye haiṁ; unake śraddhānādik dvārā jīvoṁkā burā hotā hai. tathā
ek jinamat hai so hī satyārthakā prarūpak hai, sarvajña – vītarāgadev dvārā bhāṣit hai; usake

śraddhānādikase hī jīvoṁkā bhalā hotā hai.

aise jinamatameṁ jīvādi tattvoṁkā nirūpaṇ kiyā hai; pratyakṣa-parokṣa do pramāṇ kahe haiṁ;

sarvajñavītarāg arhaṁtadev haiṁ; bāhya-abhyaṁtar parigraharahit nirgrantha guru haiṁ. inakā varṇan is graṁthameṁ
āge viśeṣ likheṁge so jānanā.

yahān̐ koī kahe — tumhāre rāg-dveṣ hai, isaliye tum anyamatakā niṣedh karake apane

matako sthāpit karate ho?

usase kahate haiṁ — yathārtha vastukā prarūpaṇ karanemeṁ rāg-dveṣ nahīṁ hai. kuch apanā

prayojan vicārakar anyathā prarūpaṇ kareṁ to rāg-dveṣ nām pāye.

phi ra vah kahatā hai — yadi rāg-dveṣ nahīṁ hai to anyamat bure aur jainamat bhalā aisā

kis prakār kahate ho? sāmyabhāv ho to sabako samān jāno, matapakṣa kisaliye karate ho?

usase kahate haiṁ — bureko burā kahate haiṁ, bhaleko bhalā kahate haiṁ; isameṁ rāg-dveṣ kyā

kiyā? tathā bure-bhale ko samān jānanā to ajñānabhāv hai; sāmyabhāv nahīṁ hai.

phi ra vah kahatā hai ki — sarva matoṁkā prayojan to ek hī hai, isaliye sabako samān

jānanā?

< Previous Page Next Page >