Moksha-Marg Prakashak-Hindi (iso15919 transliteration). Page: 18.

28 ] [ mokṣamārgaprakāśak

tathā us kaṣāy dvārā hī un karmaprakr̥tiyoṁmeṁ anubhāg śaktikā viśeṣ hotā hai.

vahān̐ jaisā anubhāgabandha ho vaisā hī udayakālameṁ un prakr̥tiyoṁkā bahut yā thoṛā phal utpanna
hotā hai. vahān̐ ghāti karmoṁkī sarvaprakr̥tiyoṁmeṁ tathā aghāti karmoṁkī pāpaprakr̥tiyoṁmeṁ to alpa
kaṣāy hone par alpa anubhāg ban̐dhatā hai, bahut kaṣāy hone par bahut anubhāg ban̐dhatā hai;
tathā puṇya-prakr̥tiyoṁmeṁ alpa kaṣāy hone par bahut anubhāg ban̐dhatā hai, bahut kaṣāy hone par
thoṛā anubhāg ban̐dhatā hai.

is prakār kaṣāyoṁ dvārā karmaprakr̥tiyoṁke sthiti — anubhāgakā viśeṣ huā; isaliye

kaṣāyoṁ dvārā sthitibandha, anubhāgabandhakā honā jānanā.

yahān̐ jis prakār bahut madirā bhī hai aur usameṁ thoṛe kālaparyanta thoṛī unmattatā

utpanna karane kī śakti ho to vah madirā hīnapaneko prāpta hai, tathā yadi thoṛī bhī madirā
hai aur usameṁ bahut kālaparyanta bahut unmattatā utpanna karanekī śakti hai to vah madirā
adhikapaneko prāpta hai; usī prakār bahut bhī karmaprakr̥tiyoṁ ke paramāṇu haiṁ aur unameṁ thoṛe
kālaparyanta thoṛā phal denekī śakti hai to ve karmaprakr̥tiyān̐ hīnatāko prāpta haiṁ, tathā thoṛe bhī
karmaprakr̥tiyoṁke paramāṇu haiṁ aur unameṁ bahut kālaparyanta bahut phal denekī śakti hai, to ve
karmaprakr̥tiyān̐ adhikapaneko prāpta haiṁ.

isalie yogoṁ dvārā hue prakr̥tibandha – pradeśabandha balavān nahīṁ haiṁ, kaṣāyoṁ dvārā kiyā

gayā sthitibandha anubhāgabandha hī balavān hai; isaliye mukhyarūpase kaṣāyako hī bandhakā kāraṇ
jānanā. jinheṁ bandha nahīṁ karanā ho ve kaṣāy nahīṁ kareṁ.

jñānahīn jaṛ – pudgal paramāṇuoṁkā yathāyogya prakr̥tirūp pariṇaman

ab yahān̐ koī praśna kare ki — pudgal paramāṇu to jaṛ haiṁ; unheṁ kuch jñān nahīṁ

haiṁ; to ve kaise yathāyogya prakr̥tirūp hokar pariṇaman karate haiṁ?

samādhānaḥ — jaise bhūkh hone par mukh dvārā grahaṇ kiyā huā bhojanarūp pudgalapiṇḍa

māṁs, śukra, śoṇit ādi dhāturūp pariṇamit hotā hai. tathā us bhojanake paramāṇuoṁmeṁ
yathāyogya kisī dhāturūp thoṛe aur kisī dhāturūp bahut paramāṇu hote haiṁ. tathā unameṁ kaī
paramāṇuoṁkā sambandha bahut kāl rahatā hai, kaiyoṁkā thoṛe kāl rahatā hai. tathā un
paramāṇuoṁmeṁ kaī to apane kāryako utpanna karanekī bahut śakti rakhate haiṁ, kaī thoṛī śakti
rakhate haiṁ. vahān̐ aisā honemeṁ koī bhojanarūp pudgalapiṇḍako jñān to nahīṁ hai ki maiṁ is
prakār pariṇaman karūn̐ tathā aur bhī koī pariṇaman karānevālā nahīṁ hai; aisā hī nimitta-
naimittikabhāv ho rahā hai, usase vaise hī pariṇaman pāyā jātā hai.

< Previous Page Next Page >